Biblia Todo Logo
Bìoball air-loidhne

- Sanasan -

Salmos 42 - Chuya Qellqa 1992


ISKAY KAQ LIBRO (42-72) Tayta Diosta maskanamanta
Coreypa mirayninkunapa takin

1 Imaynam taruka yakunayachikuspa kallpaq yakuta maskan, chaynam Diosnilláy, almallaypas qamta maskasunki.

2 Kawsay qokuq Diosnilláy, qanmantam yakunayasqa kachkani. ¿Haykapiñataq Diosniypa kasqanman yaykusaq?

3 Weqellaytam tuta punchaw millpuchkani, sapa kutillam tapuwanku: ¿Maypitaq Diosnikiqa kachkan? nispanku.

4 Yuyarinim kusikuyllawanña nana-nanaq runakunata Diospa templonman pusasqayta, graciasta qospam anchallataña kusikurqaniku; Chaykunata yuyariptiymi sonqollay waqan.

5 Almalláy ¿imanasqataq hukmanyaspa ukuypi tukukunki? Diosllapi suyay, paytaqa yupaychasaqraqmi, paymi Diosniyqa, payllam salvaqniyqa.

6 Diosnilláy, Almallaymi hukmanyasqa kachkan, chayraykum qanmanta yuyarillani; Jordán mayupi kaspaymi, Mizar orqopi kaspaymi, Hermón orqopi kaspaymi, qanmanta yuyarillani.

7 Paqchaq yakullayki qapariptinmi qaqakuna yachapayanakun, olallaykikunam orqonchakuspan hawallayta pasarun.

8 Punchawmi kuyakuyninta Tayta Dios qawachiwan, tutanñataqmi paypa takinkuna kallpanchawan, kawsay qoqniy Diosnillaytam mañakullani.

9 Qaqa hina harkaykuqniy Diosllaytam kaynata nini: ¿Imanasqataq ñoqallayta qonqarullawanki? ¿Imanasqataq kaynaña llakisqa purini? ¿Imanasqataq enemigoykunapa ñakarichisqan purini?

10 Tullullaykunata pakipachkaq hinam, enemigoykuna sapa punchaw kamiwanku: “¿Maypitaq Diosniki kachkan?” nispanku.

11 Almalláy ¿imanasqataq hukmanyaspa ukuypi tukukunki? Diosllapi suyay, paytaqa yupaychasaqraqmi, paymi Diosniyqa, payllam salvaqniyqa.

Chuya Qellqa Revisión @ Sociedad Bíblica Peruana, 2012

Peruvian Bible Society
Lean sinn:



Sanasan