Salmos 4 - Chuya Qellqa 1992

Tayta Diosman hapipakuspa mañakusqanmanta

Kay takiqa cuerdayuq instrumentokunawan takinam

¹ ¡Nanaykachikuwaqniy Diosnilláy, qayakamusqaytayá uyariykullaway! Ñakariypi kaptiypas qanmi yanapaykuwarqanki, llakipayariykuwaspa mañakuyniyta uyariykullaway.

² Llapa hatun tukuq runakuna, ¿haykapikamataq insultawankichik? ¿Haykapikamataq idolokunata kuyankichik? ¿Haykapikamataq mana allinkunata maskankichik?

³ Kaytayá yachaychik: Tayta Diosqa paypi hapipakuqkunatam akllakun; Tayta Diosqa qayakuptiymi uyariykullawan.

⁴ Katkatataychik, amaña huchallikuychikñachu. Camaykichikpipas upallalla sonqoykichikpi yuyaymanaychik.

⁵ Cheqap sacrificiota ofrecespa Tayta Diosman hapipakuychik.

⁶ Diosnilláy, achkaqmi nichkanku: “¿Pitaq allin kaqta qawaykachiwachwan?” nispanku. Diosnilláy, kuyapayakuynikiwan qawariykamullawayku.

⁷ Hatun kusikuytam sonqollayman churaykunki, achka trigoyuqpamantapas, achka vinoyuqpamantapas mastaraq.

⁸ Dios taytalláy, qamllapi hapipakuqtam kawsachiwanki chayraykum, hawkalla waqtapaykuni, hawkallataqmi puñuykusaqpas.