Salmos 36 - Chuya Qellqa 1992

Diospa kuyapayakuyninmanta

Davidpa takisqan

¹ Huchasapa runataqa mana allin ruwayninmi sonqollanpi rimapayan: “Payqa manam Tayta Diostaqa manchakunchu”.

² Payqa hatunpaqña hapikuspanmi kikinpa huchantaqa mana qawakunchu.

³ Payqa mana allin rimaq llullam; payqa mana yuyayniyuqñam rikurirun, allin kaqtapas manañam ruwanñachu.

⁴ Camanpi siriykuspanmi hucha ruwayllata yuyaymanan, huchamanta mana rakikuyta munaspam huchallapi kawsachkan.

⁵ Dios Taytalláy, kuyapayakuynikiqa hanaq pachakamam chayan, cheqap kaynikiqa puyukunakamam chayan.

⁶ Allin arreglo ruwaq kaynikiqa hatun orqokuna hinaraqmi, kamachikuynikikunapas lamar qocha hina uku-ukum. Dios Taytalláy, qanmi runakunatapas animalkunatapas waqaychanki.

⁷ Dios Taytalláy, ¡mayna sumaqmi kuyakuynikiqa! Raprayki ukunpim runakunaqa amparakunku.

⁸ Paykunaqa wasikipi sinchi mikuywanmi saksaykunku, kallpaq mayu hinaña tukuy bendicionnikiwanmi yakunayayniykuta taniykachinki.

⁹ Qanmantam kawsay paqarimun, achkiynikipim achkiyta rikuniku.

¹⁰ Reqsisuqnikikunaman kuyapayakuynikita qoykuy, allin arreglota chuya sonqokunawan ruway.

¹¹ Hatun tukuqkunaqa amayá sarutyawachunchu, mana allin runaqa amayá makinwanqa kuyurichiwachunchu.

¹² Mana allin runakunapa wichisqanta qawariychik, manaña sayarinankupaqmi wichiykunku.