Salmos 25 - Chuya Qellqa 1992

Diospa consejonta mañakusqanmanta Álef

Davidpa takin
Álef

¹ Dios Taytalláy, qamllatam mañakamullayki;

² Dios Taytalláy, qamllamanmi hapipakamullayki, amayá penqaypi kanaytaqa munaychu, amayá enemigoykunaqa asikuwachunkuchu.

Bet Guímel

Guímel

³ Qanman hapipakuqkunaqa manam penqaypichu kanqaku, contraykipi hatariqkunam ichaqa penqaypi tarikunqaku.

Dálet

Dálet

⁴ Dios Taytalláy, ñannikitayá reqsiykachiway, ñannikitayá pusaway.

He

He

⁵ Cheqap kaqnikiman pusawaspa yachachiway, salvaykuqniy Diosmi qamqa kanki, sapa punchawmi qamllapi suyallani.

Vav Zayin

Zayin

⁶ Dios Taytalláy, wiñaypaq kuyapayakuynikitawan llakipayakuynikita yuyariy.

Jet

Jet

⁷ Dios Taytalláy, jovenllaraq kachkaspa mana allinta ruwaspay huchallikusqaytaqa amañayá yuyariychu. Kuyapayakuynikiman llakipayakuynikiman hina ñoqallayta yuyariykullaway.

Tet

Tet

⁸ Tayta Diosqa allinpunim, mana pimanpas sayapakuqmi, chayraykum payqa huchayuqkunata allin kawsakuyta yachachin.

Yod

Yod

⁹ Mana piniyuqkunatam munasqanman hina kawsachin, llampu sonqokunamanmi ñanninta reqsichin.

Kaf

Kaf

¹⁰ Tayta Diosqa, pacto ruwasqantawan kamachikuyninkunata kasukuqkunawanqa, kuyakuyninman chaynataq cheqap kayninman hinam ruwan.

Lámed

Lámed

¹¹ Dios Taytalláy, sutillaykiraykuyá llapa huchallaykunata pampachaykullaway.

Mem

Mem

¹² Tayta Dios kasukuqkunamanqa paymi allin kawsakuyta yachachinqa;

Nun

Nun

¹³ payqa allintam kawsakunqa mirayninkunapas kay pachatam herenciapaq chaskinqa.

Sámek

Sámek

¹⁴ Dios Taytaqa allin amigom kasukuqninkunapaqqa, paykunamanmi pacto ruwasqanta yachachinqa.

Ayin

Ayin

¹⁵ Ñawillaykunapas Dios Taytallatam qawan, paymi ima sasachakuymantapas libraykuqniyqa.

Pe

Pe

¹⁶ Señorlláy, qawariykamuwaspa llakipayariykullaway, sapallaymi llakisqa kallachkani.

Tsade

Tsade

¹⁷ Sonqollaymi llakipa intusqan tarikun, kay llakimanta hurqoykullaway.

¹⁸ Ñakariyniytawan llamkallasqayta qawariykuspa huchallaykunata pampachaykuway.

Resh

Resh

¹⁹ Enemigoykunata qawariy, llumpaytam paykunaqa mirarunku, manañam rikuytapas atiwankuñachu.

Shin

Shin

²⁰ Libraykuwaspa waqaychaykullaway, amayá penqaymanqa churaykullawaychu, ñoqaqa qamllapim hapipakullani.

Tav

Tav

²¹ Munasqaykiman hina kawsakuyniywan mana pantaspa kawsakuyniy waqaychallawachun, ñoqallayqa qamllamanmi hapipakullani.

²² Diosnilláy, Israelpa mirayninkunata llapa sasachakuyninmanta hurqoykuy.