Salmos 23 - Chuya Qellqa 1992

Dioslla allin michiq kasqanmanta

Diosman Davidpa takisqan

¹ Dios Taytallaymi michiqnillayqa, manam imapas pisillawanqañachu.

² Sumaqllaña ikllirimuq pastokunapim ñoqallaytaqa samaykachillawan, yakukunapa hawkalla kasqanmanraqmi ñoqallaytaqa pusakullawan.

³ Musoq kallpatam qoykullawan, sutin hatunchasqa kananpaqmi allin ñanninta pusakullawan.

⁴ Manchakuypaq tutayaq wayqontaña purispaypas manam manchakuniñachu qamqa ñoqallaywanmi kallachkanki; varaykiwan tawnaykiwanmi kallpanchaykuwanki.

⁵ Enemigoykunapa ñawpaqninpim mikuykunata churaykapuwanki, miskillaña asnaq perfumewanmi umallaymanpas talliykuwanki, copallaytam llimparichinki.

⁶ Kuyakuynikiwan llakipayakuynikiqa ñoqallaypa kawsakuyniypim sapa punchaw kachkan, Tayta Diospa wasinpiqa wiña-wiñaypaqmi kawsakusaq.