Salmos 16 - Chuya Qellqa 1992

Akllasqa herenciamanta

Davidpa qayakuynin

¹ Diosnilláy, waqaychaykullaway, qamllamanmi hapipakamuyki.

² Ñoqam Tayta Diosta nirqani: “Qamllam Señorniyqa kanki, qanmanta hukqa manam pipas kanchu”, nispay.

³ Qamllata yupaychasuqniki runakunawanmi, allin kawsakuq runakunawanmi, sonqoypas anchata kusikun.

⁴ Idolokunata serviqkunaqa sinchitam ñakarinqaku, idolokunapaqqa manam yawar ofrendatapas tallisaqchu, nitaqmi sutinkutapas rimasaqchu.

⁵ Dios Taytalláy, qamllam tukuy imay kanki, qamllam chaninchawanki, kawsakuyniypas makikipim kachkan.

⁶ Chakra qowasqankupas allin sitiopim tuparuwan, herencia chaskisqaypas suma-sumaqmi.

⁷ Allin umachaqniy Tayta Diostam hatunchasaq, payqa tutankunapas sonqollaytam yachachin.

⁸ Tukuy tiempom Tayta Diosqa ñoqawan kachkan, sichum alleqniypi pay kaptinqa manam imapas urmachiwanqachu.

⁹ Chayraykum sonqoypas, almaypas anchata kusikunqa, cuerpoypas hawkallañam samakunqa.

¹⁰ Cuerpoytapas amam sepulturapiqa saqerunkichu, kuyasqaykitaqa amam sepulturapiqa saqerunkichu.

¹¹ Kawsay ñantam reqsichiwanki, qayllaykipiqa hatu-hatun kusikuymi kachkan, qayllaykipiqa wiñaypaq hawkayaytam tarini.