Salmos 150 - Chuya Qellqa 1992

Diosta yupaychanamanta

¡Aleluya!

¹ ¡Aleluya! Diosnillanchikta templonpi yupaychaychik, kancharichkaq hanaq pachanpi payta hatunchaychik.

² Atiywan ruwasqanmanta yupaychaychik, Tukuy atiyniyuq kasqanmanta hatunchaychik.

³ Trompetata tocaspa yupaychaychik, salteriowan arpawan yupaychaychik.

⁴ Panderetawan danzawan yupaychaychik, cuerdayuq tocanakunawan yupaychaychik, qenawan yupaychaychik.

⁵ Chinchinyaq platillokunawan yupaychaychik, punpunyaq platillokunawan yupaychaychik.

⁶ Llapallan kawsaqkuna, Tayta Diosta yupaychaychik. ¡Aleluya!