Salmos 136 - Chuya Qellqa 1992

Tayta Diospa kuyapayakuyninmanta

¹ Tayta Diostayá allin kasqanrayku yupaychaychik, kuyapayakuyninqa wiña-wiñaypaqmi.

² Sapallan Diosta yupaychaychik, kuyapayakuyninqa wiña-wiñaypaqmi.

³ Sapallan Señorta hatunchaychik, kuyapayakuyninqa wiña-wiñaypaqmi.

⁴ Sapallan admirakuypaq kaqkuna ruwaqtayá yupaychaychik, kuyapayakuyninqa wiña-wiñaypaqmi.

⁵ Yachaywan hanaq pacha unanchaqta hatunchaychik, kuyapayakuyninqa wiña-wiñaypaqmi.

⁶ Yakukunapa hawanpi allpata mastariqta yupaychaychik, kuyapayakuyninqa wiña-wiñaypaqmi.

⁷ Inti killa unanchaqta yupaychaychik, kuyapayakuyninqa wiña-wiñaypaqmi.

⁸ Intitam ruwarqa punchaw achkinanpaq, kuyapayakuyninqa wiña-wiñaypaqmi.

⁹ Tutan achkinanpaqmi killatawan chaskakunata unancharqa, kuyapayakuyninqa wiña-wiñaypaqmi.

¹⁰ Egipto runakunapa piwi churinkuna wañurachiqta yupaychaychik, kuyapayakuyninqa wiña-wiñaypaqmi.

¹¹ Israelpa mirayninkunata Egiptomanta hurqomuqta hatunchaychik, kuyapayakuyninqa wiña-wiñaypaqmi.

¹² Atiyniyuq makinta haywarispan hurqomusqanmanta yupaychaychik, kuyapayakuyninqa wiña-wiñaypaqmi.

¹³ Puka lamar qochata iskayman rakinaruqta hatunchaychik, kuyapayakuyninqa wiña-wiñaypaqmi.

¹⁴ Chay lamar qochata kicharispan Israel chimpachimuqta yupaychaychik kuyapayakuyninqa wiña-wiñaypaqmi.

¹⁵ Rey Faraontawan tropankunata, Puka lamar qochapi heqepachiqta hatunchaychik, kuyapayakuyninqa wiña-wiñaypaqmi.

¹⁶ Llaqtanta waqaychaspan chunniqnin pusaqta yupaychaychik, kuyapayakuyninqa wiña-wiñaypaqmi.

¹⁷ Atiyniyuq reykunata vencesqanmanta hatunchaychik kuyapayakuyninqa wiña-wiñaypaqmi.

¹⁸ Atiyniyuq reykunata wañurachisqanmanta yupaychaychik, kuyapayakuyninqa wiña-wiñaypaqmi.

¹⁹ Amorreokunapa reynin Sehonta wañuchisqanmanta hatunchaychik, kuyapayakuyninqa wiña-wiñaypaqmi.

²⁰ Basanpa reynin Ogta wañuchisqanmanta yupaychaychik, kuyapayakuyninqa wiña-wiñaypaqmi.

²¹ Chay reykunapa allpanta Israelman qoykuqta hatunchaychik, kuyapayakuyninqa wiña-wiñaypaqmi.

²² Serviqnin Israelman herencia qoykuqta yupaychaychik, kuyapayakuyninqa wiña-wiñaypaqmi.

²³ Ñakariyninchikpi yuyariqninchikta hatunchaychik kuyapayakuyninqa wiña-wiñaypaqmi.

²⁴ Enemigonchikkunamanta libraqninchikta yupaychaychik, kuyapayakuyninqa wiña-wiñaypaqmi.

²⁵ Llapa runakunamanwan animalkunaman mikuchiqta hatunchaychik, kuyapayakuyninqa wiña-wiñaypaqmi.

²⁶ Hanaq pachapi munaychakuq Diosta yupaychaychik, kuyapayakuyninqa wiña-wiñaypaqmi.