Salmos 127 - Chuya Qellqa 1992

Hawkayayqa Diosmanta hamusqanmanta

Salomonpa takin

¹ Sichum wasita Tayta Dios mana hatarichiptinqa, yanqapaqmi wasi hatarichiqkunapas llamkanku. Sichum llaqtata Tayta Dios mana waqaychaptinqa, yanqapaqmi llaqta waqaychaqkunapas.

² Yanqapaqmi tutapaymanta tutaykuqkama llamkasqaykichikpas, yanqapaqmi ñakariywan ganasqaykichikta mikusqaykichikpas. Tayta Diosqa kuyasqankunamanqa sumaq samakuyta qoykun.

³ Tayta Diospa herencia qowasqanchikmi wawa-churinchikkunaqa, Tayta Diospa sumaq kuyakuy qowasqanchikmi warmimanta nacemuqqa.

⁴ Kallpallanchikpiraq churyakusqanchik wawakunaqa soldadokunapa makinpi flechakuna hinaraqmi.

⁵ Mayna kusisqam aljabanta flechakunawan huntachikuq runaqa. Cheqniqninkunawan juezpa qayllanman rispapas manam penqayman churasqachu kanqa.