Salmos 110 - Chuya Qellqa 1992

Tayta Diospa akllasqan reymanta

Davidpa takisqan

¹ Tayta Diosmi señorniyta nirqa: Enemigoykikunata chakikipa sarupakunanta ruwanaykama alleqniypi tiyaykuy, nispa.

² Tayta Diosmi Sionmanta kamachikunayki varata qomusunki, enemigoykikunapi munaychakuspa kamachikuqtam ruwasunki.

³ Atiywan peleasqayki punchawpim, llaqtayki kikinmanta ofrecekunqa, chuya orqonkunapa hawanpi achikyay sulla hinam, joven kaynikim punchawpa risqanman hina aswan-aswan warmayanqa.

⁴ Tayta Diosmi jurarqa, rimasqanmantaqa mana qepaman kutiqmi nirqa: Qamqa wiñaypaq sacerdotem kanki, Melquisedec hinam kanki, nispa.

⁵ Señormi alleqnikipi kachkan, piñakusqan punchawmi reykunatapas tukurunqa.

⁶ Nacionkunatam juzganqa, ayakunatam montonanqa, kay pachapi kamachikuqkunatam puchukarachinqa.

⁷ Ñan risqanpim kallpaq yakuta tomanqa, chay yakuwanmi kallpanchakunqa.