Salmos 100 - Chuya Qellqa 1992

Tayta Diosta yupaychanamanta

Diosman graciasta qonapaq taki

¹ Kay pachapi llapallan yachaqkuna, Diosman kusikuywan takiychik.

² Tayta Diosta kusikuywan hatunchaychik, paypa qayllanman kusikuywan hamuychik.

³ Tayta Diosqa, Dios kasqanta reqsikuychik, paymi unanchaqninchikqa, runankunam kanchik. Llaqtanmi kanchik, michinanpi ovejankunam kanchik.

⁴ Templonpa punkunta graciasta qostin yaykuychik, pationman yupaychastin yaykuychik, graciasta qospa sutinta hatunchaychik.

⁵ Ancha allinmi Tayta Diosqa, wiñaypaqmi kuyakuyninqa, wiñaypaqmi cheqap kayninqa.