Números 33 - Chuya Qellqa 1992

Egiptomanta lloqsispa Israel miraykunapa mayninmi risqankumanta

^1-2 Moisespa chaynataq Aaronpa pusasqanmi Israelpa mirayninkuna tropa-tropa Egiptomanta lloqsimurqaku. Tayta Dios kamachisqanman hinam lloqsimusqankumanta qallaykuspa sapa samasqanku sitiokunapa sutinta Moisés qellqarqa.

³ Punta kaq killapa chunka pichqayuq punchawninpim Pascua fiestapa paqarinnintinta llumpay qari-qarillaña lloqsimurqaku. Ramsés llaqtamantam Egipto runakunapa qawasqanta lloqsimurqaku.

⁴ Egipto runakunapa piwi wawa-churinkuta Tayta Dios wañurachiptinmi pampanankukama Israelpa mirayninkuna lloqsimurqaku. Chay punchawpim Egiptopa diosninkunata Tayta Dios penqayman churarqa.

⁵ Israelpa mirayninkunam Ramsés llaqtamanta lloqsispanku Sucotpi samarurqaku.

⁶ Sucotmanta lloqsispankum Etam law chunniqpa patanpi samarurqaku.

⁷ Etammantam Baal-zefonpa chimpan Pi-hahirot lawman muyururqaku hinaspam Migdol lawpa chimpanpi samarurqaku.

⁸ Pi-hahirotmanta lloqsispankum lamar qochapa chawpinta chunniqman chimparurqaku. Etam chunniqpi kimsa punchaw purispankum Marapi samarurqaku.

⁹ Maramanta lloqsispankum Elimman chayaruspa chaypi samarurqaku, chaypim chunka iskayniyuq pukyukuna chaynataq qanchis chunka palmera sachakuna karqa.

¹⁰ Elimmanta lloqsispankum Puka lamar qochapa hichpanpi samarurqaku.

¹¹ Puka lamar qochamanta lloqsispankum Sin chunniqpi samarurqaku.

¹² Sin chunniqmanta lloqsispankum Dofcapi samarurqaku.

¹³ Dofcamanta lloqsispankum Aluspi samarurqaku.

¹⁴ Alusmanta lloqsispankum Refidim lawpi samarurqaku, chaypim runakunapa tomananpaq mana yaku karqachu.

¹⁵ Refidimmanta lloqsispankum Sinaí chunniqpi samarurqaku.

¹⁶ Sinaí chunniqmanta lloqsispankum Kibrot-hataavapi samarurqaku.

¹⁷ Kibrot-hataavamanta lloqsispankum Hazerotpi samarurqaku.

¹⁸ Hazerotmanta lloqsispankum Ritmapi samarurqaku.

¹⁹ Ritmamanta lloqsispankum Rimón-perespi samarurqaku.

²⁰ Rimón-peresmanta lloqsispankum Libnapi samarurqaku.

²¹ Libnamanta lloqsispankum Rissapi samarurqaku.

²² Rissamanta lloqsispankum Ceelatapi samarurqaku.

²³ Ceelatamanta lloqsispankum Sefer orqopi samarurqaku.

²⁴ Sefer orqomanta lloqsispankum Haradapi samarurqaku.

²⁵ Haradamanta lloqsispankum Macelotpi samarurqaku.

²⁶ Macelotmanta lloqsispankum Tahatpi samarurqaku.

²⁷ Tahatmanta lloqsispankum Tarapi samarurqaku.

²⁸ Taramanta lloqsispankum Mitcapi samarurqaku.

²⁹ Mitcamanta lloqsispankum Hasmonapi samarurqaku.

³⁰ Hasmonamanta lloqsispankum Moserotpi samarurqaku.

³¹ Moserotmanta lloqsispankum Bene-jaacanpi samarurqaku.

³² Bene-jaacanmanta lloqsispankum Gidgad orqopi samarurqaku.

³³ Gidgad orqomanta lloqsispankum Jotbatapi samarurqaku.

³⁴ Jotbatamanta lloqsispankum Abronapi samarurqaku.

³⁵ Abronamanta lloqsispankum Ezion-geberpi samarurqaku.

³⁶ Ezion-gebermanta lloqsispankum Zin otaq Cades chunniqpi samarurqaku.

³⁷ Cadesmanta lloqsispankum Hor orqopi samarurqaku. Chay orqoqa Edom nacionpa patanpim kachkan.

³⁸ Tayta Diospa nisqanman hinam, Hor orqoman sacerdote Aarón qespirqa, hinaspam chaypi wañukurqa pichqa kaq killapa punta kaq punchawninpi, Israelpa mirayninkuna Egipto nacionmanta tawa chunka wata lloqsimusqanku hawaña.

³⁹ Aaronqa pachak iskay chunka kimsayuq watanpim Hor orqopi wañukurqa.

⁴⁰ Neguev law Arad llaqtapi yachaq cananeokunapa reyninmi Israelpa mirayninkuna chayaramusqanta yacharurqa.

⁴¹ Hor orqomanta lloqsispankum Zalmonapi samarurqaku.

⁴² Zalmonamanta lloqsispankum Punonpi samarurqaku.

⁴³ Punonmanta lloqsispankum Obotpi samarurqaku.

⁴⁴ Obotmanta lloqsispankum Ije-abarimpiña samarurqaku, chayqa Moabpa patanpim kachkan.

⁴⁵ Ije-abarimmanta lloqsispankum Dibón-gadpi samarurqaku.

⁴⁶ Dibón-gadmanta lloqsispankum Almón-diblataimpi samarurqaku.

⁴⁷ Almón-diblataimmanta lloqsispankum Nebo orqopa chimpan Abarim orqopi samarurqaku.

⁴⁸ Abarim orqomanta lloqsispankuñataqmi Nebo orqopa chimpan Moab chunniq pampapi samarurqaku, chay pampaqa Jordán mayupa hichpan Jericó llaqtapa chimpanpim kachkan.

⁴⁹ Chaymantam Jordán mayupa hichpanpi campamentonkuta sayachirqaku, Bet-jesimot llaqtamanta qallarispa Abel-sitimkama; chaykunaqa Moab nacionpa pampankunapim kachkan.

Canaán allpata imayna partenakunankumanta

^50-51 Israelpa mirayninkuna, Moab nacionpa pampankunapi otaq Jordán mayupa hichpan Jericó llaqtapa chimpanpi kachkaptinkum, paykunaman ninanpaq Moisesta Tayta Dios kaynata nirqa: Jordán mayuta chimparuspa Canaán allpaman yaykuspaykichikmi

⁵² chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

⁵³ Chay allpapi runakunata qarqospaykichikmi chaypi yachankichik, chay allpataqa ñoqam qamkunapaña kananpaq qoykichik.

⁵⁴ Allpataqa ayllun-ayllunmi sorteaspa sapakama chaskinkichik. Achka kaqkunamanmi hatunta qonkichik, aslla kaqkunamanñataqmi taksallata qonkichik. Tupasusqaykichikman hinam ñawpaq taytaykichikpa mirayninman hina sapakama maylawtapas chaskinkichik.

⁵⁵ Chay allpapi yachaq runakunata mana qarqoptikichikqa hinalla kaspankum ñawikichikpi astilla otaq waqtaykichikmanta tipasuqnikichik kichka hina kanmanku, hinaspam yachasqaykichik allpapi ñakarichisunkichikman.

⁵⁶ Ñoqapas enemigoykichikwan imam ruwanayta hinam qamkunawan ruwasaq, nispa.