Jeremías 45 - Chuya Qellqa 1992

Barucpa favorninpi Jeremiaspa rimasqanmanta

¹ Josiaspa churin rey Joacim tawa wataña Judá nacionpi munaychakuchkaptinmi, Jeremiaspa nisqanta Neriaspa churin Baruc qellqachkarqa, hinachkaptinmi Baructa Jeremías nirqa:

² Yaw Baruc, Israelpa yupaychasqan Tayta Diosmi kaynata nisunki:

³ Qanmi nichkanki: ¡Ay, imaraq viday! Tayta Diosmi nanayniyman llakikuyta yapaykamun. Waqaytapas amiruniñam, manañam hawkayaytapas tariniñachu, nispayki.

⁴ Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

⁵ ¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.