Isaías 12 - Chuya Qellqa 1992

Graciasta qospanku takinankumanta

¹ Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

² Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

³ Qamkunapas kusikuyllawanñam salvación qokuq pukyumanta yakuta tomankichik.

⁴ Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

⁵ Admirakuypaq ruwasqanmantayá Tayta Diosman takiychik, tukuy hinastinpiyá chay ruwasqanta reqsichiychik.

⁶ Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik.