1~Crónicas 3 - Chuya Qellqa 1992

Davidpa churinkunamanta

¹ Davidpa Hebrón llaqtapi naceq churinkunam kaykuna: Piwi churin Amnón; payqa karqa Jezreel llaqtayuq Ahinoampa wawanmi. Amnonpa sullkan Daniel. Danielqa karqa Carmel llaqtayuq Abigailpa wawanmi.

² Kimsa kaq churin Absalón; Absalonqa karqa Gesur nacionpa reynin Talmaipa churin Maacapa wawanmi. Tawa kaq churinmi karqa Adonías, payqa karqa Haguitpa wawanmi.

³ Pichqa kaq churinmi karqa Sefatías, payqa karqa Abitalpa wawanmi. Soqta kaq churinmi karqa Itream, paymi karqa Eglapa wawan. Eglaqa karqa Davidpa huknin warminmi.

⁴ Chay soqta churinkunam Hebronpi nacerqaku, chay llaqtapi qanchis wata soqta killan David munaychakuchkaptin. Chaymantam Jerusalén llaqtapi munaychakurqa kimsa chunka kimsayuq watatawanraq.

⁵ Jerusalén llaqtapi naceq churinkunañataqmi karqa: Simea, Sobab, Natán hinaspa Salomón; chay tawanmi karqaku Amielpa churin Betsabeypa wawankuna.

⁶ Karqataqmi isqon churinkunapas, paykunam karqa: Ibhar, Elisama, Elifelet,

⁷ Noga, Nefeg, Jafía,

⁸ Elisama, Eliada hinaspa Elifelet.

⁹ Paykunam karqaku Davidpa churinkuna. Uywanakusqan warmikunapi churinkunaqa manam yupasqachu karqaku. Tamarmi karqa paykunapa paninku.

Salomonpa mirayninkunamanta

¹⁰ Salomonpa churinmi karqa Roboam, Roboampañataqmi Abías; Abiaspam karqa Asa, Asapañataqmi Josafat.

¹¹ Josafatpa churinmi karqa Joram, Jorampañataqmi Ocozías, Ocoziaspañataqmi Joás.

¹² Joaspa churinmi karqa Amasías, Amasiaspañataqmi Azarías, Azariaspañataqmi Jotam.

¹³ Jotampa churinmi karqa Acaz, Acazpañataqmi Ezequías, Ezequiaspañataqmi Manasés.

¹⁴ Manasespa churinmi karqa Amón, Amonpañataqmi Josías.

¹⁵ Josiaspa piwi churinmi karqa Johanán, qatiqninkunañataqmi karqa Joacim, Sedequías hinaspa Salum.

¹⁶ Joacimpa churinkunam karqa: Jeconías hinaspa Sedequías.

¹⁷ Preso apasqanku Jeconiaspa churinkunam karqa: Salatiel, Asir,

¹⁸ Malquiram, Pedaías, Senazar, Jecamías, Hosama hinaspa Nedabías.

¹⁹ Kaykunam Pedaiaspa churinkuna karqa: Zorobabel hinaspa Simei. Zorobabelpa churinkunam karqa: Mesulam hinaspa Hananías, paninkuñataqmi karqa Selomit.

²⁰ Zorobabelpa wakin pichqa churinkunam kaykuna: Hasuba, Ohel, Berequías, Hasadías hinaspa Jusab-hesed.

²¹ Kaykunam Hananiaspa churinkuna karqa: Pelatías hinaspa Jesaías. Jesaiaspa churinkunam karqa: Refaías, Arnán, Abdías hinaspa Secanías.

²² Secaniaspa churinmi karqa Semaías. Semaiaspañataqmi karqa: Hatús, Igal, Barías, Nearías hinaspa Safat; llapankum soqta karqaku.

²³ Neariaspa churinkunam karqa: Elioenai, Ezequías hinaspa Azricam.

²⁴ Elioenaipa churinkunam karqa: Hodavías, Eliasib, Pelaías, Acub, Johanán, Dalaías hinaspa Anani.