Nnwom 61 - KYERƐW KRONKRON

Otukɔ mu dwom

Wɔde ma dwonkyerɛfo sɛ wɔmfa ɔsanku nto. Dawid de

¹ Onyankopɔn, tie me sufrɛ, yɛ aso ma me mpaebɔ.

² Mifi asase ano misu mefrɛ wo, me koma ahometew mu, wode me bɛkɔ ɔbotan a ɛware sen me so.

³ Na wo na woayɛ me guankɔbea, abantenten a ɛyɛ den, ɔtamfo anim.

⁴ Mɛtena wo ntamadan mu daa, mɛhyɛ wo ntaban a ɛkata me so no ase. Sela

⁵ Na wo, Nyankopɔn, woate me bɔhyɛ, wode wɔn a wosuro wo din agyapade ama me.

⁶ Wobɛto ɔhene nna so, na ne mfe akodu awo ntoatoaso a edidi so so.

⁷ Ɔbɛtena Onyankopɔn anim daa, fa adɔe ne nokware hwɛ no so.

⁸ Ɛno na mɛto dwom pa mama wo din daa, na mama m’aboade daa daa.