Nnwom 56 - KYERƐW KRONKRON

Amanehunu mu anidaso

Wɔde ma dwonkyerɛfo. Dawid abebu dwom. Wɔnto no “Ananafo mu aborɔnoma mum” nne so. Ɔtoe bere a Filistifo kyeree no Gat no.

¹ Onyankopɔn, hu me mmɔbɔ, na ɔdesani pɛ me amene me, daa adesae ɔde ɔko hiahia me ho.

² M’atɛwfo pɛ me amene me daa adesae, na nnipa pii ama wɔn ho so ne me reko.

³ Ɛda a misuro no, mede me ho mitweri wo.

⁴ Onyankopɔn mu na miyi n’asɛm ayɛ, Onyankopɔn so na mede me ho mato, merensuro, ɔhonam betumi ayɛ me dɛn?

⁵ Da biara wotutu me nsɛm ano sisi, bɔne nko ara na wodwen me ho.

⁶ Wɔn ano hyia ma wɔtɛw me, na wɔkari m’anammɔn, efisɛ wɔtwɛn me kra.

⁷ Wɔde amumɔyɛ benya ɔkwan aguan anaa? Onyankopɔn, fa aman hwe fam abufuw so.

⁸ Wo na woabu me kyini a mikyini yi ano, fa me nusu gu wo kotoku mu. Enni wo nhoma mu anaa?

⁹ Ɛno na m’atamfo bɛsan wɔn akyi, ɛda a misu mefrɛ no. Eyi na minim, sɛ Onyankopɔn wɔ m’afa.

¹⁰ Onyankopɔn mu na miyi n’asɛm ayɛ, AWURADE mu na miyi n’asɛm ayɛ.

¹¹ Onyankopɔn so na mede me ho mato, merensuro, nnipa betumi ayɛ me dɛn?

¹² Onyankopɔn, w’aboade wɔ me hɔ, mɛbɔ aseda afɔre mama wo.

¹³ Na woagye me kra afi wu mu, so worenyi m’anan mfi asehwe mu? Na manantew Onyankopɔn anim, nkwa hann mu.