Nnwom 16 - KYERƐW KRONKRON

Onyankopɔn mu ahotoso

Dawid abebu dwom

¹ Onyankopɔn, fa me sie, na wo na miguan metoa wo.

² Mise AWURADE sɛ: M’Awurade ne wo, minni papa biara nka wo ho.

³ Na akronkronfo a wɔwɔ asase so no, wɔne anuonyamfo a wɔsɔ m’ani koraa.

⁴ Wɔn a wodi anyame afoforo akyi no, wɔma wɔn yaw dɔɔso. Merenhwie wɔn mogya ahwiesa no bi, na meremfa m’ano memmɔ wɔn din.

⁵ AWURADE ne m’agyapade ne me kuruwa mu kyɛfa, wo na woma me nkrabea mu trɛw.

⁶ Me hye hama akɔfa nea eye ama me, yiw, apɛgyade no yɛ me fɛ.

⁷ Mekamfo AWURADE a otu me fo, anadwo me koma kyerɛkyerɛ me tu me fo.

⁸ Mede AWURADE masi m’anim daa yi, na ɔwɔ me nifa yi, merenhim.

⁹ Enti me koma tɔ me yam, na me kra di ahurusi, nso me honam bɛtena hɔ dwoodwoo.

¹⁰ Na worennyaw me kra asaman, woremma wo hotefo nhu ɔda mu porɔwee.

¹¹ Wobɛkyerɛ me nkwa kwan, a anika a ɛmee wɔ w’anim, na anigyede wɔ wo nifa hɔ daa.