Nnwom 147 - KYERƐW KRONKRON

Onyankopɔn tumi, adɔe ne nyansa

¹ Munyi AWURADE ayɛ, na eye sɛ wɔto dwom ma yɛn Nyankopɔn, na ɛyɛ dɛ, ayeyi fata.

² AWURADE na ɔkyekye Yerusalem, ɔpɔn Israelfo a wɔapete wɔn.

³ Ɔsa wɔn a wɔn koma abubu yare, na ɔkyekyere wɔn akuru.

⁴ Ɔkyerɛ nsoromma dodow, ɔtoto wɔn nyinaa din.

⁵ Yɛn Awurade so, na ne tumi dɔɔso, ne nhumu nni anobu.

⁶ AWURADE ma ahobrɛasefo gyina, ɔtow abɔnefo hwe fam.

⁷ Monto aseda dwom mma AWURADE, momfa ɔsanku nto dwom mma yɛn Nyankopɔn.

⁸ Ɔno na ɔde amununkum kata ɔsoro, osiesie osu ma asase, ɔma wura fifi mmepɔw so.

⁹ Ɔde aduan ma mmoadoma ne kwaakwaadabi mma a wosu.

¹⁰ Ɛnyɛ ɔpɔnkɔ ahoɔden na ɛyɛ no fɛ, ɛnyɛ onipa nnyaa na ɛsɔ n’ani.

¹¹ AWURADE ani sɔ wɔn a wosuro no, wɔn a wɔn ani da n’adɔe so.

¹² Yerusalem, kamfo AWURADE, Sion, yi wo Nyankopɔn ayɛ!

¹³ Na wahyɛ w’aponkɛse adaban den, wahyira wo mma a wɔwɔ wo mu.

¹⁴ Ɔma w’ahye so dwo, ɔde awi mu awi pa ma wudi mee.

¹⁵ Ɔma ne kaseɛ ba asase so, n’asɛm tu mmirika ntɛmntɛm.

¹⁶ Ɔma nsukyerɛma tɔ sɛ asaawa mfuturu, ɔpete obosu nkyenkyenee sɛ nso.

¹⁷ Ɔtow n’asukɔtweaa gu sɛ mporoporowa; hena na obetumi n’awɔw?

¹⁸ Ɔma n’asɛm bɛnan no, ɔma ne mframa bɔ ma nsu sen.

¹⁹ Oyi n’asɛm kyerɛ Yakob, ɔde n’ahyɛde ne n’atemmude kyerɛ Israel.

²⁰ Ɔnyɛɛ ɔman biara saa ɛ, na n’atemmude no, wonnim. Munyi AWURADE ayɛ!