Nnwom 141 - KYERƐW KRONKRON

Nkwagye ho adesrɛ

Dawid dwom

¹ O! AWURADE, misu mefrɛ wo, yɛ ntɛm ma me; sɛ misu mefrɛ wo a, yɛ aso ma me.

² Ma me mpaebɔ mmesi w’anim sɛ ohuam, me nsa soma sɛ anwummere ayɛyɛde.

³ AWURADE, fa ɔwɛn bɛwɛn m’ano, na hwɛ m’anofafa pon ano.

⁴ Nkom me koma nkɔ asɛmmɔne ho, sɛ me ne nnipa amumɔyɛfo bedi nsɛmmɔne, na mma me kɔn nnɔ wɔn adɔkɔdɔkɔde.

⁵ Ma ɔtreneeni mmɔ me na ɔnka m’anim adɔe so, ɛyɛ me tiri so ngo a me ti rempo, na abɔnefo ngosra mpare me na me mpaebɔ ara na ɛda so hyia wɔn asɛmmɔne.

⁶ Wosum wɔn akannifo hwe ɔbotan so, na wɔte me nsɛm sɛ ɛyɛ dɛ.

⁷ Sɛnea obi dwiriw asase funtum so no, saa ara na wɔama yɛn nnompe apete asaman ano.

⁸ Na wo, AWURADE, so na m’ani da, wo na miguan metoa wo, ntow me kra nkyene.

⁹ Kora me fi apa a wɔasum me ne amumɔyɛfo mfiri ho.

¹⁰ Ma abɔnefo nhwe wɔn ankasa nsɛmma mu, na me de, ma mintwa ho menkɔ prɛko.