Nnwom 130 - KYERƐW KRONKRON

Amanehunu kɛse mu mpaebɔ

Mforoso dwom

¹ Mifi abun kuronkuron mu mefrɛ wo, AWURADE.

² Awurade, tie me nne, wɛn w’aso tie me nkotɔsrɛ.

³ AWURADE, sɛ wudi amumɔyɛde akyi a, hena na anka obegyina?

⁴ Na wo na fafiri wɔ wo fam, na wɔasuro wo.

⁵ Mehwɛ AWURADE kwan, me kra rehwɛ ɔkwan, na n’asɛm so na m’ani da.

⁶ Me kra twɛn AWURADE sen awɛmfo a wɔtwɛn adekyee, sen awɛmfo a wɔtwɛn adekyee.

⁷ Israel, ma w’ani nna AWURADE so, na AWURADE fam na adɔe wɔ, na ogye a ɛdɔɔso wɔ ne nsam.

⁸ Ɔno na obegye Israel afi n’amumɔyɛ nyinaa mu.