Nnwom 129 - KYERƐW KRONKRON

Amanehunu a aba atwam

Mforoso dwom

¹ Wɔahiahia me ho pii fi me mmofraase, ma Israel nka ɛ,

² wɔahiahia me ho pii fi me mmofraase, nanso wɔantumi me.

³ Fɛntɛmfo afɛntɛm m’akyi, wɔama wɔn aka ayɛ atenten.

⁴ AWURADE teɛ, watwitwa abɔnefo hama mu.

⁵ Ma wɔn a wɔtan Sion nyinaa ani nwu, na wɔnsan wɔn akyi.

⁶ Ma wɔnyɛ sɛ adan atifi wura a ennya mfifii no na ɛhyew,

⁷ ɛnhyɛ otwitwafo nsa ma anaa ɔkyekyefo basa mu ma,

⁸ na wɔn a wotwam mpo nka sɛ: AWURADE nhyira mmra mo so, yehyira mo AWURADE din mu.