Nnwom 126 - KYERƐW KRONKRON

Wɔn a wɔde nusu gu de ahurusi betwa

Mforoso dwom

¹ Bere a AWURADE de Sion fi nnommum san bae no, yɛyɛe sɛ adaesofo.

² Ɛno na ɔserew hyɛɛ yɛn anom ma, na anigye dwom hyɛɛ yɛn tɛkrɛma so ma. Ɛno na wɔkae, amanaman mu sɛ: AWURADE ayɛ ade kɛse ama wɔn.

³ Yiw AWURADE ayɛ ade kɛse ama yɛn, yɛn ani agye.

⁴ AWURADE, fa yɛn fi nnommum san bra sɛ anafo fam asase so asuten.

⁵ Wɔn a wɔde nusu gu de ahurusi betwa.

⁶ Sɛ mpo wɔde nusu kura aba a wogu no a, wɔde ahurusi bekura no afiafi aba.