Nnwom 125 - KYERƐW KRONKRON

Israel guankɔbea

Mforoso dwom

¹ Wɔn a wɔde wɔn ho to AWURADE so no te sɛ Sion bepɔw, entwiw, na etim hɔ daa.

² Sɛnea mmepɔw atwa Yerusalem ho ahyia no, saa ara na AWURADE atwa ne man ho ahyia fi sesɛɛ de kosi daa.

³ Na bɔne ahempoma rentena treneefo asase so, na treneefo anteɛ wɔn nsa anso amumɔyɛ mu.

⁴ AWURADE, ma ensi atreneefo no yiye, ne wɔn a wɔteɛ, wɔn koma mu no.

⁵ Na wɔn a wɔman kɔ wɔn akwan kɔntɔnkye so de, AWURADE de wɔn bɛfra amumɔyɛfo akɔ. Asomdwoe mmra Israel so.