Nnwom 121 - KYERƐW KRONKRON

Israel hwɛfo

Mforoso dwom

¹ Mema m’ani so makyerɛ mmepɔw no, ɛhe na me boa fi bɛba?

² Me boa fi AWURADE, ɔsoro ne asase yɛfo no.

³ Ɔremma wo nan nwatiriw, nea ɔhwɛ wo no rentɔ nko.

⁴ Hwɛ, nea ɔhwɛ Israel no, ɔrentɔ nko, na ɔnna.

⁵ AWURADE ne wo hwɛfo, AWURADE ne wo nwini, wo nsa nifa so.

⁶ Owia renhye wo awia, na ɔsram rensi wo so anadwo.

⁷ AWURADE bɛhwɛ wo so, bɔne nyinaa ho, ɔbɛhwɛ wo kra so.

⁸ AWURADE bɛhwɛ w’adifi ne wo fieba so afi sesɛɛ de akosi daa.