Nnwom 120 - KYERƐW KRONKRON

Nkɔnkɔnsafo

Mforoso dwom

¹ AWURADE na m’ahohia mu misu mefrɛɛ no, na otiee me.

² AWURADE, yi me kra fi atoro ano fi nnaadaa tɛkrɛma mu.

³ Dɛn na ɔmfa mma wo, na dɛn na ɔmfa nka wo ho, wo nnaadaa tɛkrɛma?

⁴ Ɔde Ɔbran agyan hwirenhwiren ne ogya nsramma na ɛbɛtwe w’aso.

⁵ Minnue sɛ mabɛsoɛ Mesek na matena Kedar ntamadan mu!

⁶ Me kra ne wɔn a wɔtan asomdwoe atena akyɛ dodo.

⁷ Me de, meyɛ asomdwoeni, nso mekasa a, wɔn de, wɔpɛ ɔko.