Nnwom 114 - KYERƐW KRONKRON

Misraim fi mu anwonwade

¹ Israel fii Misraim, na Yakob fifo fii ananafo man mu no,

² Yuda yɛɛ ne kronkronbea, na Israel yɛɛ ne tumidibea.

³ Ɛpo hui, na eguanee, Yordan san n’akyi.

⁴ Mmepɔw huruhuruwii sɛ adwennini, na nkoko yɛe sɛ nguammaa.

⁵ Ɛpo, dɛn na ɛyɛ wo na wuguan, na wo Yordan nso, wosan w’akyi yi?

⁶ Mo mmepɔw, sɛ muhuruhuruw sɛ adwennini, na mo nkoko, moyɛ sɛ nguammaa yi?

⁷ Asase, popo AWURADE anim, Yakob Nyankopɔn anim.

⁸ Ɔno na ɔdan ɔbotan ma ɛyɛɛ ɔtare, na atwɛrebo yɛɛ nsuaniwa.