Nnwom 101 - KYERƐW KRONKRON

Ahene Bɔhyɛ

Dawid dwom

¹ Mɛto adɔe ne atemmu ho dwom, wo, AWURADE, na mɛto dwom mama wo.

² Mede nimdeɛ mɛfa pɛyɛ kwan so. Da bɛn na wobɛba me nkyɛn? Mede me koma pɛyɛ mɛnantew me fi.

³ Meremma ahuhusɛm bi nsi m’ani so, mikyi ahohwisɛnni, ɛremfam me ho.

⁴ Koma kɔntɔnkye mpare me, bɔne rensɔ m’ani.

⁵ Nea ohintaw twiri ne yɔnko no, ɔno na metwa no; ahantan ani ne koma a ɛhoran merempene no.

⁶ M’ani wɔ asase so nokwafo so, sɛ wɔmmɛtena me ho; nea ɔnam pɛyɛ kwan so no, ɔno na ɔmmɛsom me.

⁷ Nea otwa nkontompo rentena me dan mu, nea ɔkeka atosɛm rennyina m’anim.

⁸ Daa anɔpa metwitwa asase so abɔnefo nyinaa, na matu amumɔyɛfo nyinaa mafi AWURADE kurow mu.