Nnwom 1 - KYERƐW KRONKRON

NHOMA A EDI KAN ( Nnwom 1—41 ) Ɔtreneeni ne ɔbɔnefo

¹ Nhyira ne onipa a ɔnnantew abɔnefo agyina mu, na onnyina nnebɔneyɛfo kwan so, na ɔntena fɛwdifo tenabea,

² na mmom n’ani gye AWURADE mmara ho, na odwen ho awia ne anadwo.

³ Ɔte sɛ dua a atim asubɔnten ho a ɛsow n’aba, ne bere mu, na n’ahaban mpo, na nea ɔyɛ nyinaa bewie yiye.

⁴ Abɔnefo de, wɔnte sa, na wɔte sɛ ntɛtɛwa a mframa bɔ gu.

⁵ Enti abɔnefo renni bem atemmu mu, na nnebɔneyɛfo renya kyɛfa treneefo asafo mu.

⁶ Efisɛ AWURADE nim atreneefo kwan, na abɔnefo kwan de, ɛbɛyera.