Nehemia 11 - KYERƐW KRONKRON

Nnipa a wɔtenaa Yerusalem

¹ Na ɔman no mmapɔmma no tenaa Yerusalem; na ɔman no nkae bobɔɔ ntonto sɛ wɔde nnipa du mu biako bɛtena Yerusalem, kurow kronkron no mu, na baakron atenatena nkurow mu.

² Na ɔman no hyiraa mmarima a woyii wɔn yam sɛ wɔrebɛtena Yerusalem no nyinaa.

³ Na ɔmantam no so atitiriw a wɔtenaa Yerusalem no ni: Nso Yuda nkurow no mu de, wɔn nyinaa tenatenaa wɔn agyapade so wɔn nkurow mu: Israel, asɔfo ne Lewifo ne nsɔfokwaa ne Solomon nkoa mma no.

⁴ Na Yerusalem de, Yuda mma no bi ne Benyamin mma no bi tenaa hɔ. Yuda mma no mu: Usia ba Ataia, Sakaria ba, Amaria ba, Sefatia ba, Mahalalel ba a ofi Peres mma no mu;

⁵ ne Baruk ba Maaseia, Kol-hose ba, Hasaia ba, Adaia ba, Yoiarib ba, Sakaria ba, Siloni ba.

⁶ Peres mma a wɔtenaa Yerusalem nyinaa si ahanan aduosia awotwe, wɔyɛ mmarima akokodurufo.

⁷ Na Benyamin mma ni: Mesulam ba Salu, Yoed ba, Pedaia ba, Kolaia ba, Maaseia ba, Itiel ba, Yesaia ba;

⁸ na n’akyi no: Gabai, Salai: Ahankron aduonu awotwe.

⁹ Na Sikri ba Yoel ne wɔn so hwɛfo; na Senua ba Yuda di kurow no fa a ɛto so abien no so.

¹⁰ Asɔfo mu: Yoiarib ba Yedaia, Yakin;

¹¹ Hilkia ba Seraia, Mesulam ba, Sadok ba, Meraiot ba, Ahitub a ɔyɛ Onyankopɔn fi panyin no ba;

¹² ne wɔn nuanom a wɔyɛ ofi no mu adwuma no: Ahanwɔtwe aduonu abien; ne Yeroham ba Adaia, Pelalia ba, Amsi ba, Sakaria ba, Pashur ba, Malkiya ba,

¹³ ne ne nuanom, agyanom so atitiriw, ahanu aduanan abien; ne Asarel ba Amasai, Ahsai ba, Mesilemot ba, Imer ba,

¹⁴ ne wɔn nuanom, mmarima akokodurufo: Ɔha aduonu awotwe; na wɔn so hwɛfo ne Hagedolim ba Sabdiel.

¹⁵ Lewifo mu nso: Hasub ba Semaia, Asrikam ba, Hasabia ba, Buni ba,

¹⁶ ne Sabetai ne Yosabad, wodi Onyankopɔn fi anihumafo so, wofi Lewifo atitiriw no mu;

¹⁷ ne Mika ba Matania, Sabdi ba, Asaf ba, otitiriw a ofi aseda dwom ase mpaebɔ mu, ne Bakbukia a odi hɔ, ne nuanom mu, ne Samua ba Abda, Galal ba, Yedutun ba:

¹⁸ Lewifo a wɔwɔ kurow kronkron no mu no nyinaa ano si ahanu aduɔwɔtwe anan.

¹⁹ Na aponanohwɛfo no: Akub, Talmon ne wɔn nuanom a wɔwɛn apon ano no: Ɔha aduɔsɔn abien.

²⁰ Na Israel nkae no, asɔfo no, Lewifo no wɔ Yuda nkurow mu tete wɔn agyapade so.

²¹ Na nsɔfokwaa no tenaa Ofel, na Siha ne Gispa di nsɔfokwaa no so.

²² Na Lewifo a wɔte Yerusalem no so hwɛfo ne Bani ba Usi, Hasabia ba, Matania ba, Mika ba; Asaf mma no mu nnwontofo wɔ hɔ ma Onyankopɔn fi adwuma no.

²³ Na ɔhene mmara nsɛm wɔ wɔn ho, na wɔahyɛ kyɛfa bi ama nnwontofo no, da biara ne ne de.

²⁴ Na Mesesabel ba Petahia a ofi Yuda ba Serah mma mu no hyɛ ɔhene ase ɔman no ho nsɛm nyinaa mu.

²⁵ Na wɔn adɔsaase so nkuraa no de, Yudafo no mu bi tenatenaa Kiriat-arba ne ɛho nkurowa mu, ne Dibon ne ɛho nkurowa mu, ne Yekabseel ne ɛho nkuraa mu,

²⁶ ne Yesua ne Molada, ne Bet-pelet,

²⁷ ne Hasar-sual, ne Beer-seba ne ɛho nkurowa mu,

²⁸ ne Siklag ne Mekona ne ɛho nkurowa mu,

²⁹ ne En-rimon, ne Sora, ne Yarmut,

³⁰ Sanoa, Adulam ne wɔn nkuraa mu, Lakis ne ɛho mfuwa so, Aseka ne ɛho nkurowa mu, na wɔtenatenae fi Beer-seba kosii Hinom bon mu.

³¹ Na Benyamin mma a wofi Geba no tenaa Mikmas ne Aia ne Betel ne ɛho nkurowa mu,

³² Anatot, Nob, Anania,

³³ Hasor, Rama, Gitaim,

³⁴ Hadid, Seboim, Nebalat,

³⁵ Lod ne Ono, adwumfo bon mu.

³⁶ Na Lewifo no mu nkyekyɛmu a wɔyɛ Yuda de no bi fraa Benyamin mu.