Mmebusɛm 31 - KYERƐW KRONKRON

Ɔkasakyerɛ ma ɔhene

¹ Masa hene Lemuel nsɛm, ɔkasakyerɛ a ne na de teɛɛ no so.

² Ɛdɛn, me ba, na ɛdɛn, me yafumma? Na ɛdɛn, me bɔhyɛ ba?

³ Mfa w’ahoɔden mma mmea, na mfa w’akwan nyɛ nea ɛsɛe ahemfo.

⁴ Ɛnsɛ ahemfo, Lemuel, ɛnsɛ ahemfo, sɛ wɔbɛnom nsa, anaa atitiriw, sɛ wobedi nsaden akyi,

⁵ na wɔannom, na wɔn werɛ amfi mmara a wɔahyɛ, na wɔannan amanehunufo nyinaa nsɛm ani.

⁶ Fa nsaden ma nea ɔresɛe, ne bobesa ma awerɛhowfo.

⁷ Ma wɔnnom na wɔn werɛ mfi wɔn hia, na wɔankae wɔn amane bio.

⁸ Kasa ma omum, ne mma a wonni ahwɛfo nyinaa.

⁹ Bue w’ano, bu atɛntrenee, na di ɔbrɛfo ne ohiani asɛm.

Ɔyere pa ayeyi

¹⁰ Ɔyepa, hena na obenya? Nanso ne bo sen nhene pa koraa.

¹¹ Ne kunu koma da no so, na siade ade nhia no.

¹² Ɔyɛ no yiye, na ɔnyɛ no bɔne bi, ne nkwa nna nyinaa.

¹³ Odwen kuntu ne asaawa ho, na ɔde ne nsa yɛ adwuma fɛw so.

¹⁴ Ɔte sɛ oguadini ahyɛn, ɔde n’aduan fi akyirikyiri ba.

¹⁵ Ade nnya nkyee a, na wasɔre, na wama ne fifo aduan, na wama ne mmaawa nnwuma.

¹⁶ Odwen afuw ho na ɔtɔ, ɔde ne nsa ano aba yɛ bobeturo.

¹⁷ Ɔde ahoɔden bɔ n’asen, na ɔhyɛ n’abasa mu den.

¹⁸ Ɔte ne dwumadi mu dɛw, ne kanea nnum anadwo.

¹⁹ Ɔteɛ ne nsa so tadua mu, na ne nsatea so kyekye mu.

²⁰ Obue ne nsam ma ɔbrɛfo, na ɔteɛ ne nsa ma ohiani.

²¹ Onsuro sukyerɛma mma ne fifo, na ne fifo nyinaa furafura atankɔkɔɔ.

²² Wanwene mmommo afa, ne ntama yɛ nwera pa ne ntama a ɛberedum.

²³ Wonim ne kunu kurow apon mu, bere a ɔte asase no so mpanyimfo mu no.

²⁴ Ɔpam nkamisaa na ɔtɔn, na ɔde abɔso ma oguadini.

²⁵ Ahoɔden ne ahoɔfɛ ne n’adurade, na osuro mmere a ɛwɔ n’anim.

²⁶ Obue n’ano nyansa mu, na adɔe kyerɛkyerɛ wɔ ne tɛkrɛma so.

²⁷ Ɔhwɛ ne fifo kɔree ne bae, na onni anihaw aduan.

²⁸ Ne mma sɔre, na wɔfrɛ no nhyira, ne kunu nso, oyi no ayɛ sɛ:

²⁹ Mmea pii ayɛ papa, na wo de, wosen wɔn nyinaa.

³⁰ Osoowayɛ yɛ nnaadaa, na ahoɔfɛ yɛ ahuhude; nanso ɔbea a osuro AWURADE na wobeyi no ayɛ.

³¹ Momma no ne nsa ano aba bi, na ne nneyɛe nyi no ayɛ kurow apon mu.