4 Mose 9 - KYERƐW KRONKRON

Twam afahyɛ wɔ Sinai

¹ Na AWURADE kasa kyerɛɛ Mose Sinai sare so, wɔn Misraim asase so fi afe a ɛto so abien sram a edi kan no mu sɛ

² Ma Israelfo nni twam no ne bere mu.

³ Ɔsram yi da a ɛto so dunan no anwummere, munni no ne bere mu sɛnea; n'ahyɛde ne n'akwan nyinaa so na munni.

⁴ Na Mose ka kyerɛɛ Israelfo no sɛ wonni twam no.

⁵ Na wodii twam no ɔsram a edi kan no da a ɛto so dunan no anwummere, Sinai sare so; sɛnea AWURADE hyɛɛ Mose no nyinaa, saa na Israelfo no yɛe.

⁶ Na mmarima bi wɔ hɔ a wɔn ho akum funu bi ho, na wɔantumi anni twam no da no; na wɔbaa Mose ne Aaron anim da no ara;

⁷ na mmarima no ka kyerɛɛ no sɛ: Yɛn de, yɛn ho akum funu bi ho; dɛn nti na wɔkame yɛn sɛ yɛmmfa yɛn ayɛyɛde mmmrɛ AWURADE ne bere mu wɔ Israelfo mu?

⁸ Na Mose ka kyerɛɛ wɔn sɛ: Munnyina hɔ na minkotie nea AWURADE bɛhyɛ ama mo.

⁹ Na AWURADE kasa kyerɛɛ Mose sɛ:

¹⁰ Kasa kyerɛ Israelfo no sɛ Sɛ mo anaa mo asefo mu bi ho kum funu bi ho anaasɛ ɔwɔ akwantu mu akyirikyiri a, onni twam mma AWURADE ara.

¹¹ Ɔsram a ɛto so abien no da a ɛto so dunan anwummere na wonni; apiti ne fan nwenenwene na wɔmfa nni:

¹² wonnnyaw bi nnkosi anɔpa na wommmu ne dompe bi; wonni no twam no ho ahyɛde no nyinaa so.

¹³ Na nea ne ho tew na ontuu kwan na ɔpa twam no di no, wobetwa ɔkra no afi ne man mu akyene, efisɛ wamfa AWURADE ayɛyɛde no amma ne bere mu; saa onipa no nsoa ne bɔne.

¹⁴ Na sɛ ɔhɔho bi bɛsoɛ mo mu a, onni twam mma AWURADE: twam ahyɛde ne ne yɛbea no so na onni; ɔhɔho oo, asase no soni oo, ahyɛde biako na ɛnna hɔ mma mo.

Ogya ne omununkum fadum

¹⁵ Na ɛda a wɔmaa tenabea no so sii hɔ no, omununkum no bɛkataa adanse ntamadan no tenabea no so, na anadwofa, wɔhwɛ a, ɛdɛw sɛ ogya, tenabea no so, de kosi anɔpa.

¹⁶ Saa na ɛyɛ daa: omununkum no kata so awia na ogya no pue anadwo.

¹⁷ Na sɛ omununkum no ma ne ho so fi ntamadan no so a, na Israelfo no tu; na nea omununkum no gyina no, ɛhɔ na Israelfo no bɔ nsra.

¹⁸ AWURADE anom asɛm so na Israelfo no nam tu, na AWURADE anom asɛm so na wɔnam bɔ nsra; nna a omununkum no tena tenabea no so nyinaa, wɔtena nsram.

¹⁹ Na mpo sɛ omununkum no di tenabea no so nna pii a, Israelfo no yɛ AWURADE ahyɛde, na wontu.

²⁰ Na sɛ ebia omununkum no tena tenabea no so nna kakraa bi a, AWURADE anom asɛm so na wɔnam bɔ nsra, na AWURADE anom asɛm so na wɔnam tu.

²¹ Na sɛ ebia omununkum no gyina fi anwummere kosi anɔpa na ɛma ne ho so anɔpa a, wotu; anaasɛ awia ne anadwo na omununkum no ma ne ho so a, wotu;

²² na sɛ nnanu, sɛ ɔsram, sɛ nna bebree, na omununkum no di tenabea no so a esi so ara a, Israelfo no tena nsram na wontu; na sɛ ɛma ne ho so a, na wotu.

²³ AWURADE anom asɛm so na wɔnam bɔ nsra, na AWURADE anom asɛm so na wɔnam tu; AWURADE ahyɛde na wɔyɛe, sɛnea AWURADE nam Mose so hyɛe no.