4 Mose 26 - KYERƐW KRONKRON

Wɔkan awo ntoatoaso foforo no

¹ Na ɔhaw no akyi no AWURADE ka kyerɛɛ Mose ne ɔsɔfo Aaron ba Eleasar sɛ:

² Monkan Israelfo asafo no nyinaa dodow mfi nea wadi mfirihyia aduonu so mfa nkɔ, sɛ wɔn mpanyimfi te, Israel mu nnipa a wotumi kɔ ɔsa nyinaa.

³ Na Mose ne ɔsɔfo Eleasar ka kyerɛɛ wɔn, Moab tataw so, Yordan fa a ɛbɛn Yeriko sɛ:

⁴ Kan wɔn a wɔadi mfirihyia aduonu de rekɔ no, sɛnea AWURADE hyɛɛ Mose ne Israelfo a wofi Misraim asase so bae no.

⁵ Israel abakan ne Ruben: Ruben mma ne: Hanok, Hanokfo abusua; Palu de, Palufo abusua;

⁶ Hesron de, Hesronfo abusua; Karmi de, Karmifo abusua.

⁷ Eyinom ne Rubenfo mmusua, na wɔn nnipa a wɔkan wɔn no si ɔpeduanan abiɛsa ne ahansɔn aduasa.

⁸ Na Palu mma: Eliab;

⁹ na Eliab mma: Nemuel ne Datan ne Abiram. Eyinom ne Datan ne Abiram, asafo no mu aguasemfo a wɔne Mose ne Aaron hamee Kora asafo no mu, wɔn ham a wɔne AWURADE hamee no mu;

¹⁰ na asase buee n'anom menee wɔn ne Kora, na asafo no wuwui, na ogya hyew mmarima ahanu aduonum no; na wɔbɛyɛɛ sɛnkyerɛnne.

¹¹ Nanso Kora mma de, wɔanwuwu.

¹² Simeon mma, sɛ wɔn mmusua te: Nemuel de, Nemuelfo abusua; Yamin de, Yaminfo abusua; Yakin de, Yakinfo abusua;

¹³ Sera de, Serafo abusua; Saul de, Saulfo abusua.

¹⁴ Eyinom ne Simeonfo mmusua. Wosi ɔpeduonu abien ne ahanu.

¹⁵ Gad mma, sɛ wɔn mmusua te: Sefon de, Sefonfo abusua; Hagi de, Hagifo abusua; Suni de, Sunifo abusua;

¹⁶ Osni de, Osnifo abusua; Eri de, Erifo abusua;

¹⁷ Arod de, Arodfo abusua; Areli de, Arelifo abusua.

¹⁸ Eyinom ne Gad mma mmusua, sɛ wɔn a wɔkan wɔn no te, ɔpeduanan ne ahanum.

¹⁹ Yuda mma: Er ne Onan; na Er ne Onan wuwui Kanaan asase so.

²⁰ Na Yuda mma, sɛ wɔn mmusua te ni: Sela de, Selafo abusua; Peres de, Peresfo abusua; Sera de, Serafo abusua.

²¹ Na Peres mma ni: Hesron de, Hesronfo abusua; Hamul de, Hamulfo abusua.

²² Eyinom ne Yuda mmusua, sɛ wɔn a wɔkan wɔn no te, ɔpeduɔsɔn asia ne ahannum.

²³ Isakar mma, sɛ wɔn mmusua te: Tola de, Tolafo abusua; Puwa de, Puwafo abusua;

²⁴ Yasub de, Yasubfo abusua; Simron de, Simronfo abusua.

²⁵ Eyinom ne Isakar mmusua, sɛ wɔn a wɔkan wɔn no te, ɔpeduosia anan ne ahasa.

²⁶ Sebulon mma, sɛ wɔn mmusua te: Sered de, Seredfo abusua; Elon de, Elonfo abusua; Yahleel de, Yahleelfo abusua.

²⁷ Eyinom ne Sebulon mmusua sɛ wɔn a wɔkan wɔn no te, ɔpeduosia ne ahanum.

²⁸ Yosef mma, sɛ wɔn mmusua te: Manase ne Efraim.

²⁹ Manase mma: Makir de, Makirfo abusua; na Makir woo Gilead; Gilead de, Gileadfo abusua.

³⁰ Gilead mma ni: Yeser, Yeserfo abusua; Helek de, Helekfo abusua;

³¹ ne Asriel, Asrielfo abusua; ne Sekem, Sekemfo abusua;

³² ne Semida, Semidafo abusua; ne Hefer, Heferfo abusua;

³³ na Hefer ba Selofehad nni mmammarima, na ɔwɔ mmabea; na Selofehad mmabea din ne Mahla ne Noa, Hogla, Milka ne Tirsa.

³⁴ Eyinom ne Manase mmusua, na wɔn a wɔkan wɔn no si ɔpeduonum abien ne ahanson.

³⁵ Efraim mma, sɛ wɔn mmusua te ni: Sutela de, Sutelafo abusua; Beker de, Bekerfo abusua; Tahan de, Tahanfo abusua.

³⁶ Na Sutela mma ni: Eran de, Eranfo abusua.

³⁷ Eyinom ne Efraim mma mmusua, sɛ wɔn a wɔkan wɔn no te, ɔpeduasa abien ne ahanum. Eyinom ne Yosef mma, sɛ wɔn mmusua te.

³⁸ Benyamin mma, sɛ wɔn mmusua te: Bela de, Bela abusua; Asbel de, Asbel abusua; Ahiram de, Ahiram abusua;

³⁹ Sefufam de, Sefufam abusua; Hufam de, Hufam abusua.

⁴⁰ Na Bela mma ne Ard ne Naaman; Ard de, Ard abusua; Naaman de, Naaman abusua.

⁴¹ Eyinom ne Benyamin mma, sɛ wɔn mmusua te; na wɔn a wɔkan wɔn no si ɔpeduanan anum ne ahansia.

⁴² Dan mma, sɛ wɔn mmusua te ni: Suham de, Suhamfo abusua. Eyinom ne Dan mmusua, sɛ wɔn mmusua te.

⁴³ Suhamfo mmusua nyinaa sɛ wɔn a wɔkan wɔn no te si ɔpeduosia anan ne ahannan.

⁴⁴ Aser mma, sɛ wɔn mmusua te: Yimna de, Yimnafo abusua; Isui de, Isuifo abusua; Beria de, Beriafo abusua;

⁴⁵ Beria mma de: Heber de, Heberfo abusua; Malkiel de, Malkielfo abusua.

⁴⁶ Na Aser babea din de Sera.

⁴⁷ Eyinom ne Aser mma mmusua, sɛ wɔn a wɔkan wɔn no te: ɔpeduonum abiɛsa ne ahanan.

⁴⁸ Naftali mma, sɛ wɔn mmusua te: Yakseel de, Yakseelfo abusua; Guni de, Gunifo abusua;

⁴⁹ Yeser de, Yeserfo abusua; Silem de, Silemfo abusua.

⁵⁰ Eyinom ne Naftali mmusua, sɛ wɔn mmusua te; na wɔn a wɔkan wɔn no si ɔpeduanan anum ne ahanan.

⁵¹ Eyinom ne Israelfo a wɔkan wɔn no: ɔpehansia ne baako, ahansɔn aduasa.

Asase no kyɛ ho nhyehyɛe

⁵² Na AWURADE kasa kyerɛɛ Mose sɛ:

⁵³ Eyinom na wɔnkyɛ asase no mma wɔn na wonni so, sɛ wɔn din dodow te.

⁵⁴ Abusuakuw a ɛso no, ma ne kyɛfa nso, na nea esua no, ma ne kyɛfa nsua; sɛnea obiara nnipa a wɔkan wɔn no ano te na wɔmma no n'agyapade.

⁵⁵ Nanso ntonto so na wɔmfa nkyɛ asase no; na wonnye wɔn kyɛfa no sɛnea wɔn agyanom mmusuakuw no din te.

⁵⁶ Ntonto so na wɔmfa nkyɛ agyapade mma wɔn a wɔdɔɔso ne wɔn a wosua.

Lewifo mmusua

⁵⁷ Na Lewifo a wɔkan wɔn sɛ wɔn mmusua te ni: Gerson de, Gersonfo abusua; Kohat de, Kohatfo abusua; Merari de, Merarifo abusua.

⁵⁸ Eyinom ne Lewifo mmusua: Libnifo abusua, Hebronfo abusua, Mahlifo abusua, Musifo abusua, Korafo abusua. Na Kehat woo Amram.

⁵⁹ Na Amram yere din ne Yokebed, Lewi ba a wɔwoo no Misraim no; na ɔwoo Aaron ne Mose ne wɔn nuabea Miriam maa Amram.

⁶⁰ Na Aaron nso, wɔwoo Nadab ne Abihu, Eleasar ne Itamar maa no;

⁶¹ nanso Nadab ne Abihu de anana gya bi baa AWURADE anim no, wowuwui.

⁶² Na wɔn nnipa a wɔkan wɔn no si ɔpeduonu abiɛsa, mmarima a wɔadi ɔsram ne akyiri nyinaa; na wɔankan wɔn amfra Israelfo, na wɔamma wɔn agyapade Israelfo mu.

Kaleb ne Yosua

⁶³ Eyinom ne wɔn a Mose ne ɔsɔfo Eleasar kenkan wɔn, ɔkan a wɔkan Israelfo wɔ Moab tataw so, Yordan fa a ɛbɛn Yeriko no.

⁶⁴ Nso ɔbarima biara mfra eyinom mu a ofi nnipa a Mose ne ɔsɔfo Aaron kan wɔn, bere a wɔkan Israelfo wɔ Sinai sare so no mu,

⁶⁵ efisɛ AWURADE aka akyerɛ wɔn sɛ owu na wobewuwu sare so, na wɔn mu biara anka, sɛ Yefune ba Kaleb ne Nun ba Yosua.