2 Berɛsosɛm 22 - KYERƐW KRONKRON

Ahasia nniso ne ne wu

¹ Na Yerusalemfo de ne ba akumaa Ahasia sii hene n’ananmu, efisɛ ne mma mpanyin no nyinaa, afowfo asafo a wɔbaa nsram, Arabiafo no mu no kunkum wɔn. Na Yehoram ba Ahasia dii Yuda hene.

² Ahasia dii mfe aduanan abien na obedii hene, na odii hene afe biako Yerusalem. Na ne na din de Atalia, Omri ba.

³ Ɔno nso nantew Ahab fi akwan so, efisɛ ne na tuu no fo sɛ onni asɛmmɔne.

⁴ Na ɔyɛɛ AWURADE ani so bɔne sɛ Ahab fi, efisɛ n’agya wu akyi no, wɔn na wotuu no fo na ɛma ɔsɛee.

⁵ Wɔn afotu nso so na ɔnam kɔe, na ɔne Israel hene Yehoram a ɔyɛ Ahab ba kɔɔ ɔsa ne Siria hene Hasael kɔkoe Ramot-gilead. Na Siriafo no piraa Yehoram.

⁶ Na ɔsanee sɛ ɔkɔsa ne ho yare Yesreel afi opira a ɔne Siria hene Hasael reko no, wopirapiraa no Rama no mu. Na Yuda hene Yehoram ba Asaria sian kɔe sɛ ɔrekɔhwɛ Ahab ba Yehoram Yesreel, efisɛ ɔyare.

⁷ Na Onyankopɔn na ɔde asiane besianee Ahasia sɛ ɔnkɔ Yehoram nkyɛn. Na odui no, ɔne Yehoram fi kohyiaa Nimsi ba Yehu a AWURADE asra no sɛ ɔnsɛe Ahab fi.

⁸ Na Yehu de atemmu baa Ahab fi so no, ɔkɔtoo Yuda mmapɔmma ne Ahasia ne nuanom mma a wɔsom Ahasia no, na okunkum wɔn.

⁹ Na ɔkɔhwehwɛɛ Ahasia, na wɔkyeree no, na ɔno de, ɔde ne ho ahintaw Samaria. Na wɔde no brɛɛ Yehu, na wokum no. Na wosiee no, na wɔkae sɛ: Yehosafat a ɔde ne koma nyinaa hwehwɛɛ AWURADE no ba ne no. Na obi nni Ahasia fi bio a obenya ahenni no ho ahoɔden.

Atalia awudi

¹⁰ Na Ahasia ne na Atalia hui sɛ ne ba no awu no, ɔsɔre kɔdwerɛw ahenni no asefo nyinaa Yuda fi.

¹¹ Na ɔhene babea Yehosabat faa Ahasia ba Yoas, na owiaa no fii ɔhene mma a wɔrekum wɔn no mu, na ɔde no ne ne gyigyefo hyɛɛ pia mu. Na sɛ ɔhene Yehoram babea Yehosabat a ɔyɛ ɔsɔfo Yehoiada yere no yɛ Ahasia nuabea nti, ɔde no hintaw fii Atalia anim na wankum no.

¹² Na ɔne wɔn tenaa Onyankopɔn fi hintawee mfe asia. Na Atalia dii asase no so hemmea.