1 Berɛsosɛm 6 - KYERƐW KRONKRON

Lewi awo ntoatoaso

¹ Lewi mma ne: Gersom, Kehat ne Merari.

² Na Kehat mma ne: Amram, Yishar ne Hebron ne Usiel.

³ Na Amram mma ne: Aaron ne Mose ne Miriam. Na Aaron mma ne: Nadab ne Abihu, Eleasar ne Itamar.

⁴ Eleasar woo Pinehas, Pinehas woo Abisua,

⁵ na Abisua woo Buki, na Buki woo Usi,

⁶ na Usi woo Serahia, na Serahia woo Meraiot,

⁷ Meraiot woo Amaria, na Amaria woo Ahitub,

⁸ na Ahitub woo Sadok, na Sadok woo Ahimaas,

⁹ na Ahimaas woo Asaria, na Asaria woo Yohanan,

¹⁰ na Yohanan woo Asaria. Ɔno na odii sɔfo asɔredan a Solomon sii Yerusalem no mu.

¹¹ Na Asaria woo Amaria, na Amaria woo Ahitub,

¹² na Ahitub woo Sadok, na Sadok woo Salum,

¹³ na Salum woo Hilkia, na Hilkia woo Asaria,

¹⁴ na Asaria woo Seraia, na Seraia woo Yosadak;

¹⁵ na Yosadak de, AWURADE maa Nebukadnesar betuu Yuda ne Yerusalem kɔe no, ɔkɔe bi.

Lewi asefo

¹⁶ Lewi mma: Gersom, Kehat ne Merari.

¹⁷ Na eyinom ne Gersom mma din: Libni ne Simei.

¹⁸ Na Kehat mma ne: Amram, Yishar ne Hebron ne Usiel.

¹⁹ Merari mma ne: Mahli ne Musi. Na eyinom ne Lewifo mmusua, sɛ wɔn agyanom te no:

²⁰ Gersom de: Ne ba Libni, ne ba Yahat, ne ba Sima,

²¹ ne ba Yoa, ne ba Ido, ne ba Serah, ne ba Yeatrai.

²² Kehat mma ne: Ne ba Aminadab, ne ba Kora, ne ba Asir,

²³ ne ba Elkana ne ne ba Ebiasaf ne ne ba Asir,

²⁴ ne ba Tahat, ne ba Uriel, ne ba Usia ne ne ba Saul.

²⁵ Na Elkana mma ne: Amasai ne Ahimot,

²⁶ ne ba Elkana, ne ba Elkana-sofai, ne ne ba Nahat,

²⁷ ne ba Eliab, ne ba Yeroham, ne ba Elkana.

²⁸ Na Samuel mma ne: Abakan Wasni, ne Abigya.

²⁹ Merari mma ne: Mahli, ne ba Libni, ne ba Simei, ne ba Usa,

³⁰ ne ba Sima, ne ba Hagia, ne ba Asaia.

Nnwontofo Heman, Asaf ne Etan

³¹ Na eyinom ne wɔn a Dawid de sisii AWURADE fi dwom so, fi bere a adaka no nyaa ahomee no,

³² na wɔde dwonto somee ahyiae ntamadan no tenabea no anim de kosii sɛ Solomon sii AWURADE fi no Yerusalem, na wogyinagyinaa wɔn afa wɔn som no mu.

³³ Na eyinom ne wɔn a wogyinaa hɔ ne wɔn mma no: Kohat mma no mu: Odwontofo Heman, Yoel ba, Samuel ba,

³⁴ Elkana ba, Yeroham ba, Eliel ba, Toa ba,

³⁵ Suf ba, Elkana ba, Mahat ba, Amasai ba,

³⁶ Elkana ba, Yoel ba, Asaria ba, Sefania ba,

³⁷ Tahat ba, Asir ba, Ebiasaf ba, Kora ba,

³⁸ Yishar ba, Kehat ba, Lewi ba, Israel ba,

³⁹ ne ne nua Asaf a ogyina ne nifa so, Asaf, Berekia ba, Simea ba,

⁴⁰ Mikael ba, Baaseia ba, Malkiya ba,

⁴¹ Etni ba, Serah ba, Adaia ba,

⁴² Etan ba, Simma ba, Simei ba,

⁴³ Yahat ba, Gersom ba, Lewi ba

⁴⁴ ne wɔn nuanom Merari mma a wogyinagyina benkum so: Etan, Kisi ba, Abdi ba, Maluk ba,

⁴⁵ Hasabia ba, Amasia ba, Hilkia ba,

⁴⁶ Amsi ba, Bani ba, Samer ba,

⁴⁷ Mahli ba, Musi ba, Merari ba, Lewi ba.

Asɔrefi som ho nhyehyɛe

⁴⁸ Na wɔn nuanom, Lewifo no, wɔde wɔn maa Onyankopɔn fi tenabea no som nyinaa.

⁴⁹ Na Aaron ne ne mma ne wɔn a wɔhyew afɔre ɔhyew afɔremuka ne aduhuamhyew muka no so, wɔyɛ kronkronbea adwuma no nyinaa, na wɔpata ma Israel sɛ Onyankopɔn akoa Mose hyɛe no ara.

⁵⁰ Na eyinom ne Aaron mma: Ne ba Eleasar, ne ba Pinehas, ne ba Abisua,

⁵¹ ne ba Buki, ne ba Usi, ne ba Serahia,

⁵² ne ba Meraiot, ne ba Amaria, ne ba Ahitub,

⁵³ ne ba Sadok, ne ba Ahimaas.

Lewifo nkurow

⁵⁴ Na eyinom ne wɔn tenabea horow sɛ wɔn nkurow a afasu atwa ho ahyia no te, wɔn ahye mu: Aaron mma, Kehatfo abusua no nyaa wɔn ntonto kyɛfa,

⁵⁵ na wɔmaa wɔn Hebron, Yuda asase so, ne ɛho mfikyisaase a etwa ho hyia;

⁵⁶ na kurow no ho mfuw ne ɛho nkuraa no de, wɔde maa Yefune ba Kaleb.

⁵⁷ Na wɔmaa Aaron mma Yuda nkurow, guankɔbea kurow Hebron, Libna ne ɛho mfikyisaase, Yatir, Estemoa ne ɛho mmoa adidibea nsaase,

⁵⁸ ne Hilen ne ɛho asase, Debir ne ɛho asase,

⁵⁹ ne Asan ne ɛho asase, ne Bet-semes ne ɛho asase.

⁶⁰ Na Benyamin abusuakuw mu nso: Geba ne ɛho mfikyisase, ne Alemet ne ɛho asase, ne Anatot ne ɛho nsaase. Wɔn nkurow nyinaa si dumiɛnsa, wɔn mmusua no mu.

⁶¹ Na Kohat mma nkae no, abusuakuw no abusua mu no, wɔde ntonto maa wɔn nkurow du fi Manase abusuakuw fa no mu.

⁶² Na Gersom mma, sɛ wɔn mmusua te no, wɔde Isakar abusuakuw ne Aser abusuakuw ne Naftali abusuakuw ne Manase abusuakuw a ɛwɔ Basan no mu nkurow dumiɛnsa maa wɔn.

⁶³ Merari mma, sɛ wɔn mmusua te no, wɔde ntonto yii Ruben abusuakuw ne Gad abusuakuw ne Sebulon abusuakuw mu nkurow dumien maa wɔn.

⁶⁴ Na Israelfo no de nkurow no ne ɛho mfikyisase momaa Lewifo no,

⁶⁵ na wɔde ntonto yiyii Yuda mma abusuakuw ne Simeon mma abusuakuw ne Benyamin mma abusuakuw mu nkurow a wɔabobɔ din yi.

⁶⁶ Na Kohat mma mmusua no bi nyaa wɔn kyɛfa mu nkurow wɔ Efraim abusuakuw mu,

⁶⁷ na wɔmaa wɔn nkurow, guankɔbea kurow Sekem ne ɛho mfikyisase, Efraim bepɔw so, ne Geser ne ɛho asase,

⁶⁸ ne Yokmeam ne ɛho asase, ne Bet-horon ne ɛho asase,

⁶⁹ ne Ayalon ne ɛho asase, ne Gat-rimon ne ɛho asase;

⁷⁰ ne Manase abusuakuw fa no mu: Aner ne ɛho mfikyisase, ne Bileam ne ɛho asase, wɔde maa Kohat mma a wɔkae no abusua.

⁷¹ Na wɔde Golan a ɛwɔ Basan ne ɛho mfikyisaase ne Astarot ne ɛho asase a ɛwɔ Manase abusuakuw fa no abusua mu no maa Gersom mma;

⁷² ne Isakar abusuakuw mu: Kedes ne ɛho mfikyisaase, Daberat ne ɛho asase;

⁷³ ne Ramot ne ɛho asase ne Anem ne ɛho asase,

⁷⁴ ne Aser abusuakuw mu: Masal ne ɛho mfikyisaase, ne Abdon ne ɛho asase,

⁷⁵ ne Hukok ne ɛho asase, ne Rehob ne ɛho asase;

⁷⁶ ne Naftali abusuakuw mu: Kedes a ɛwɔ Galilea ne ɛho mfikyisaase, ne Hamon ne ɛho asase, ne Kiriataim ne ɛho asase.

⁷⁷ Na wɔde Rimono ne ɛho mfikyisase ne Tabor ne ɛho asase a ɛwɔ Sebulon abusuakuw mu no maa Merari mma nkae;

⁷⁸ ne Yordan-yeriko agya nso, Yordan apuei fam: Ruben abusuakuw mu: Beser wɔ sare so ne ɛho mfikyisase, ne Yahsa ne ɛho asase,

⁷⁹ ne Kedemot ne ɛho asase, ne Mefaat ne ɛho asase;

⁸⁰ ne Gad abusuakuw mu: Ramot a ɛwɔ Gilead ne ɛho mfikyisaase, ne Mahanaim ne ɛho asase,

⁸¹ ne Hesbon ne ɛho asase, ne Yaser ne ɛho mfikyisase.