1 Berɛsosɛm 2 - KYERƐW KRONKRON

Yakob ne Yuda mma

¹ Eyinom ne Israel mma: Ruben, Simeon, Lewi ne Yuda, Isakar ne Sebulon,

² Dan, Yosef ne Benyamin, Naftali, Gad ne Aser.

³ Yuda mma ne: Er ne Onan ne Sela. Baasa yi na Kanaanni Sua babea wo maa no. Na Yuda abakan Er yɛ AWURADE anim ɔbɔne, na okum no.

⁴ Na n’ase Tamar woo Peres ne Serah maa no. Yuda mma nyinaa si baanum.

⁵ Peres mma ne: Hesron ne Hamul.

⁶ Na Serah mma ne: Simri ne Etan ne Heman ne Kalkol ne Dara, wɔn nyinaa si baanum.

⁷ Na Karmi mma ne: Israel hawfo Akar a ɔfomee ahyirade mu no.

⁸ Na Etan mma ne: Asaria.

⁹ Na Hesron mma a wɔwoo wɔn maa no ne Yerahmeel ne Ram ne Kelubai.

¹⁰ Na Ram woo Aminadab, na Aminadab woo Nahson, Yuda mma bapɔmma no,

¹¹ na Nahson woo Salma, na Salma woo Boas,

¹² na Boas woo Obed, na Obed woo Yese.

¹³ Na Yese woo n’abakan Eliab ne Abinadab na otia abien ne Sima a ɔto so abiɛsa,

¹⁴ Netanel to so anan, Radai to so anum,

¹⁵ Osem to so asia, Dawid to so asɔn;

¹⁶ na wɔn nuammeanom ne Seruia ne Abigail; na Seruia mma ne: Abisai ne Yoab ne Asahel; wosi baasa.

¹⁷ Na Abigail woo Amasa, na Amasa n’agya ne Ismaelni Yeter.

¹⁸ Na Hesron ba Kaleb ne ne yere Asuba ne Yeriot woe; na ne mma ni: Yeser ne Sobab ne Ardon.

¹⁹ Na Asuba wui, na Kaleb faa Efrat waree, na ɔwoo Hur maa no.

²⁰ Na Hur woo Uri, na Uri woo Besalel.

²¹ Na akyiri no Hesron kɔɔ Makir a ɔyɛ Gilead n’agya babea ho, na ɔwaree no, nso na wadi mfirihyia aduosia, na ɔwoo Segub maa no,

²² na Segub woo Yair, ɔno na Gilead asase so nkurow aduonu abiɛsa yɛɛ ne dea.

²³ Na Gesur ne Aram gyee Yair atenae no fii wɔn nsam, Kenat ne ɛho nkurowa, ɛyɛ nkurow aduosia. Eyinom nyinaa yɛ Gilead n’agya Makir mma.

²⁴ Na Hesron wui wɔ Kaleb-efrata akyi no, Hesron yere Abigya woo Ashur a ɔyɛ Tekoa n’agya maa no.

²⁵ Na Hesron abakan Yerahmeel mma ne: Abakan Ram ne Buna ne Oren ne Osem ne Ahia.

²⁶ Na Yerahmeel wɔ ɔyere foforo bi a ne din de Atara, ɔne Onam ne na.

²⁷ Na Yerahmeel abakan Ram mma ne: Maas ne Yamin ne Eker.

²⁸ Na Onam mma ne Samai ne Yada. Na Samai mma ne: Nadab ne Abisur.

²⁹ Na Abisur yere din de Abihail, na ɔwoo Ahban ne Molid maa no.

³⁰ Na Nadab mma ne: Seled ne Apaim, na Seled wui a wannyaw mma.

³¹ Na Apaim mma ne: Yisi. Na Yisi mma ne: Sesan. Na Sesan mma ne: Ahlai.

³² Na Samai ne nua Yada mma ne: Yeter ne Yonatan. Na Yeter wui a wannyaw mma.

³³ Na Yonatan mma ne: Pelet ne Sasa. Eyinom ne Yerahmeel mma.

³⁴ Na Sesan nni mma gye mmabea. Na Sesan wɔ akoa Misraimni bi a ne din de Yarha.

³⁵ Na Sesan de ne babea maa n’akoa Yarha aware, na ɔwoo Atai maa no.

³⁶ Na Atai woo Natan, na Natan woo Sabad.

³⁷ Na Sabad woo Eflal, na Eflal woo Obed,

³⁸ na Obed woo Yehu, na Yehu woo Asaria,

³⁹ na Asaria woo Heles, na Heles woo Eleasa,

⁴⁰ na Eleasa woo Sisemai, na Sisemai woo Salum,

⁴¹ na Salum woo Yekamia, na Yekamia woo Elisama.

⁴² Na Yerahmeel ne nua Kaleb mma ne: N’abakan Mesa a ɔne Sif agya, ne Hebron agya Maresa mma.

⁴³ Na Hebron mma ne: Kora ne Tapua ne Rekem ne Sema.

⁴⁴ Na Sema woo Raham, Yorkeam n’agya. Na Rekem woo Samai.

⁴⁵ Na Samai ba ne: Maon; na Maon yɛ Bet-sur n’agya.

⁴⁶ Na Kaleb yefam Efa woo Haran ne Mosa ne Gases. Na Haran woo Gases.

⁴⁷ Na Yahdai mma ne: Regem ne Yotam ne Gesan ne Pelet ne Efa ne Saaf.

⁴⁸ Na Kaleb yefam Maaka woo Seber ne Tirhana,

⁴⁹ na ɔwoo Saaf a ɔyɛ Madmana n’agya, Sewa a ɔyɛ Makbena n’agya, ne Gibea n’agya. Na Kaleb babea ne Aksa.

⁵⁰ Eyinom ne Kaleb mma. Efrata abakan Hur mma ne: Sobal, a ɔyɛ Kiriat-yearim n’agya,

⁵¹ Salma a ɔyɛ Betlehem n’agya, Haref a ɔyɛ Bet-gader n’agya.

⁵² Na Sobal a ɔyɛ Kiriat-yearim n’agya wɔ mma: Wɔne Haroe ne Menuhotfo fa.

⁵³ Na Kiriat-yearim mmusua ne Yitrifo ne Putifo ne Sumatifo ne Misraifo de no, eyinom mu na Sorafo ne Estaolfo fi.

⁵⁴ Salma mma ne: Betlehem ne Netofafo, Atrot-bet-yoab ne Manahatfo fa, ne Sorifo no;

⁵⁵ ne kyerɛwfo mmusua a wɔte Yabes no: Tirafo, Simeafo, Sukafo; wɔne Kenifo a wɔyɛ Hamat a ɔyɛ Rekab fi agya no asefo.