Mataio 25 - A Buk 1896 (Bible Portions)

20. PAKANA MA 5.

¹ A matanitu ko ra maua, kura diara welara ma ra winunu na taurara, ba diat kip a nudiat kum lamp, ma diat pari lena diat wan barata a matakina tinaula.

² Limadi ko diat diat loglog, limadi bulug a kum tenamanana diat.

³ Kuma diat a kum loglog, ba diat kip a nudiat kum lamp, pa diat kip ugai ma ta poloina:

⁴ A kum tenamanana diat kip ugai a kum lamp, ma ra poloina kai u ra la.

⁵ Ba a muana, a matakina tinaula pa i wan pat utbai, i tutua a matadiat, ma diat inep dumăn rap.

⁶ Ma u ra liwana bual di wewatai lena, Boboi, a matakina‐tinaula ma! muat in dat a wetarom ma i.

⁷ Ma diat rap a kum taurara kuma diat turu, ma diat pam tokono a nudiat kum lamp.

⁸ Ma diat a kum loglog diat arig diat a kum tenamanana lenkumi, Muat tari ta miat a numiat ta liklik polo; kuma a numiat kum lamp diat pot na mat ma.

⁹ A kum tenama nana diat piri lena, Konima, kaduk pa in welara ma dat rap: muat a wan korom diat diat wiurai, muat a kulpa a numuat te ta diat.

¹⁰ Ba diat wan na kunukul ma, a muana a matakina tinaula i wan pat; ma diat ba diat a pam tokonopa diat diat ruk ma i u ra lukara na tinaula: ma diat bălbălatbat a bonanaka.

¹¹ Na muru a kum taurara kuma diat wan balet pat, ma diat wata i lenkumi, Tadaru, Tadaru, Un papāra miat.

¹² Ma i piri balet ta diat lena, Iau piri ligtatuna ta muat, iau pa iau nunura muat.

¹³ Ia kuma muat a ki lauma, kuma pa muat nunura ta bug, ba ta pakan a bug.

¹⁴ Kuma diara welara ma ra muana ba i ligna winawan u ra bual igen, ma i watapa diat mun a nuna kum wetula, ma i ara diat ma ra nuna utna.

¹⁵ I tari lima na talant korom ra, korom te bulug ruadi, korom te kai rā ku; i ara diat rap ma ra utna i welara ma ra manana i diat; ma i wan u ra nuna winawan.

¹⁶ Ia ba i rakan a lima na talant, i wan ma ut ma i kul na ga mai, ma i rakanpai uni ta limadi bulug.

¹⁷ Lenkuma ia kai ba i rakan a ruadi, i rakanpa ta ruadi bulug.

¹⁸ Ia kai ba i rakanpa rā ku, i wan ma i kil a tug na pia, ma i punăg‐ino a măni a nu ra nuna tadaru.

¹⁹ Kura ut na muru, a tadaru a nu ra kum wetula kuma i wan pat ma i tiri diat.

²⁰ Ma ia ba i rakanpa lima na talant i wan urin ma i kip lima na talant bulug, ma i piri lenkumi, Tadaru, u ā tarata lima na talant tag: boboi, iau rakanpa limadi bulug.

²¹ A nuna tadaru i piri tana, Awakak, a koina wetula ui: u ā pet a ligtatuna u ra kinalik na utna, ag tuturata ui lena un nakokon ta mogoro na utna, un ruk u ra kaia a nu ra num tadaru.

²² Ia bulug ba i rakanpa ru talant i wan urin ma i piri lena, Tadaru, u ā tarata ru talant tag: boboi, iau rakanpa ruadi bulug.

²³ A nuna tadaru i piri tana, Awakak, a koina wetula ui; u a pet a ligtatuna u ra kinalik na lig, ag tuturata ui lena un nakokon ta mogoro na lig: un ruk u ra kaia a nu ra num tadaru.

²⁴ Ia kai ba i rakanpa rā talant ku i wan urin ma i piri lenkumi, Tadaru, iau nunura ui, a pom ui, kuma u rot a pakan a pia pa u marut uni, ma u rakani bulug ko ra pakan a pia pa u lamirai uni:

²⁵ ma iau buruta ui, ma iau punăg‐ino a num talant u ra pia: boboi, kumi balet ma ia a num utna korom ui.

²⁶ A nuna tadaru i piri tana, Akaina wetula, a tenamolowo ui, u nunurai lena iau rot a pakan a pia pa iau marut uni, ma iau rakani bulug ko ra pakan a pia pa iau lamirai uni:

²⁷ i ka uni ba u a tarata a nug măni korom diat a kum tenawalaig măni, ma ba iau wan balet iau rakanpa a nug mani ma ra wawatur kai.

²⁸ Ia kuma muat a rakanpai kon i a nuna talant, muat a tari tan ia ba i paki a no talant.

²⁹ Kuma ba te ī paki ta utna, kura din tari balet tana, ma din paki ta mogoro: ia bulug ba pa i paki a nuna ta utna, kura din rakanpai kon i a lig kuma i paki.

³⁰ Ma ra wetula ba pa i ka muat og‐a‐pariua i u ra boboto: kura diat tagtagi ma wakirit a lokodi iai.

³¹ Ba na Tu‐ra‐muana in wan pat u ra nuna măramăra, ma diat rap ma i a kum agelo, kura in kitau u ra nuna kinkini na tadaru, ia ba di maratai:

³² a kum un‐a‐tara rap kai tak u ra rakrakan wanua rap, kura diat a tolug ugai na ra matana: ma in weranata diat lenkuma a tenawarubat sipi i werana diat a kum sipi ma ra kum me:

³³ in waki diat a kum sipi u ra waot na limana, ma diat a kum me u ra maira na limana.

³⁴ A tui kai in piri ta diat u ra waot na limana lenkumi: Muat ba Tamag i pirawadanpa muat, muat wan urin, a numuat a matanitu di pam tokonotai kup muat tak u ra bug di pam kabinpa a vuravura uni:

³⁵ kuma ba iau molo muat a tabarata iau: ba iau maruk muat a wainimta iau: ba iau ki na waira, muat a benpa iau u ra ruma:

³⁶ ba pa nug ta in a malu, muat ā wakopta iau: ba iau malapag muat ā boboura iau: ba iau ki u ra ruma na boboto, muat ā wan korom iau.

³⁷ A kum tenapetoduru kai, kura diat a piri tana lenkumi, Tadaru, nagaian miat bobo ui ba u molo, ma miat a tabara ui? ba u maruk, ma miat a wainimta ui?

³⁸ Nagaian miat bobo ui ba u ki na waira, ma miat benpa ui u ra ruma? ba pa num ta in a malu ma miat a wakopta ui?

³⁹ Nagaian miat bobo ui ba u malapag ma u ki u ra ruma na boboto, ma miat wan korom ui?

⁴⁰ A Tui kai in piri ta diat lenkumi, Iau piri ligtatuna ta muat, kăbi muat a petai korom te i kinalik akit u diat a kum te teglik bi, muat a petai korom iau.

⁴¹ In piri ta diat bulug u ra maira na limana lenkumi, Muat a kum milai muat wan igen kon iau, u ra ugan ba pa in mat, kuma di a pam tokonotai kup Satani ma diat a nuna kum agelo:

⁴² kuma, ba iau molo pa muat tabara iau; ba iau maruk pa muat wainim iau:

⁴³ ba iau ki na waira pa muat benpa iau u ra ruma: ba pa nug ta in a malu, pa muat wakopta iau; ba iau malapag ma iau ki u ra ruma na boboto, pa muat bobo iau.

⁴⁴ Diat kai diat a piri tana lenkumi, Tadaru, nagaian miat bobo ui ba u molo, bu u muruk, ba u ki na waira, ba pa num ta in a malu; ba u malapag ma u ki u ra ruma na boboto, ma pa miat boboura ui uni?

⁴⁵ Ia kai in piri balet ta diat lena, Iau piri ligtatuna ta muat, kăbi pa muat a petai korom te i kinalik akit u diat bi, pa muat a petai korom iau.

⁴⁶ Ma diat bi diat wan u ra binabalu‐na‐gunugut pa in rap: ma ra kum tenapetoduru diat a wan u ra lalaun pa in rap.