Y-Nêhêmi 7 - Klei Aê Diê Blŭ 2015

Y-Nêhêmi Mdưm Phung Khua Kiă Kriê kơ Ƀuôn Yêrusalem

¹ Tơdah mnư̆ mdơ̆ng leh, leh anăn kâo dưm leh ƀăng bhă leh anăn jao leh bruă kơ phung kiă ƀăng jang, phung mmuñ, leh anăn phung Lêwi,

² kâo jao kơ adei kâo Y-Hanani, klei dưi kiă kriê ƀuôn Yêrusalem, mƀĭt Y-Hanania khua sang mtao, kyuadah ñu jing sa čô mnuih sĭt suôr hĭn leh anăn huĭ mpŭ kơ Aê Diê hĭn kơ lu phung mkăn.

³ Kâo lač kơ diñu, “Đăm brei arăng pŏk ƀăng jang ƀuôn Yêrusalem ôh tơl yang hruê mđiă, leh anăn êjai diñu dôk gak brei arăng kđăl leh anăn kal ƀăng bhă. Mdưm phung gak mơ̆ng phung dôk hlăm ƀuôn Yêrusalem, grăp čô ti anôk ñu pô, leh anăn grăp čô phă hŏng sang ñu pô.”

⁴ Ƀuôn jing ƀai leh anăn prŏng, ƀiădah mnuih hlăm ƀuôn knŏng ƀiă, leh anăn amâo mâo sang mrâo arăng lŏ mdơ̆ng ôh.

Anăn Phung Mnă Lŏ Wĭt

⁵ Hlăk anăn Aê Diê mtrŭt klei mĭn kâo brei bi kƀĭn phung mdrŏng, phung khua leh anăn phung ƀuôn sang, čiăng čih anăn tui si găp djuê diñu. Kâo ƀuh hdruôm hră klei čih găp djuê phung truh êlâo hĭn, leh anăn kâo ƀuh arăng čih hlăm anăn:

⁶ Nĕ anei phung ƀuôn sang hlăm čar, phung kbiă hriê mơ̆ng klei jing mnă hlăm phung Y-Nebukatnetsar mtao Ƀaƀilôn atăt ba leh jing mnă. Diñu lŏ wĭt kơ ƀuôn Yêrusalem leh anăn kơ čar Yuđa, grăp čô kơ ƀuôn ñu pô.

⁷ Diñu hriê mbĭt hŏng Y-Sôrôbabel, Y-Jêsua, Y-Nêhêmi, Y-Asaria, Y-Ramia, Y-Nahamani, Y-Môrdêkai, Y-Bilsan, Y-Mispêret, Y-Bikwai, Y-Nêhum, Y-Bana. Ênoh yap êkei phung ƀuôn sang Israel:

⁸ phung anak čô Y-Parôs mâo dua êbâo sa êtuh kjuh pluh dua čô.

⁹ Phung anak čô Y-Sêphatia mâo tlâo êtuh kjuh pluh dua čô.

¹⁰ Phung anak čô Y-Ara mâo năm êtuh êma pluh dua čô.

¹¹ Phung anak čô Y-Pahat-Môap, čiăng lač phung anak čô Y-Jêsua leh anăn Y-Jôap mâo dua êbâo sa păn êtuh pluh sa păn čô.

¹² Phung anak čô Y-Êlam mâo sa êbâo dua êtuh êma pluh pă čô.

¹³ Phung anak čô Y-Satu mâo sa păn êtuh pă pluh êma čô.

¹⁴ Phung anak čô Y-Sakai mâo kjuh êtuh năm pluh čô.

¹⁵ Phung anak čô Y-Binui mâo năm êtuh pă pluh sa păn čô.

¹⁶ Phung anak čô Y-Bêbai mâo năm êtuh dua pluh sa păn čô.

¹⁷ Phung anak čô Y-Asgat mâo dua êbâo tlâo êtuh dua pluh dua čô.

¹⁸ Phung anak čô Y-Adônikam mâo năm êtuh năm pluh kjuh čô.

¹⁹ Phung anak čô Y-Bikwai mâo dua êbâo năm pluh kjuh čô.

²⁰ Phung anak čô Y-Adin mâo năm êtuh êma pluh êma čô.

²¹ Phung anak čô Y-Ater, čiăng lač Hêsêkia, mâo dua păn pluh sa păn čô.

²² Phung anak čô Y-Hasum mâo tlâo êtuh dua pluh sa păn čô.

²³ Phung anak čô Y-Bêsai mâo tlâo êtuh dua pluh pă čô.

²⁴ Phung anak čô Y-Harip mâo sa êtuh pluh dua čô.

²⁵ Phung anak čô Y-Gabaôn mâo dua păn pluh êma čô.

²⁶ Phung êkei mơ̆ng ƀuôn Betlêhem leh anăn ƀuôn Nêtôpa mâo sa êtuh sa păn pluh sa păn čô.

²⁷ Phung êkei mơ̆ng ƀuôn Anathôt mâo sa êtuh dua pluh sa păn čô.

²⁸ Phung êkei mơ̆ng ƀuôn Bet-Asmawet mâo pă pluh dua čô.

²⁹ Phung êkei mơ̆ng ƀuôn Kiriat-Jêarim, ƀuôn Kêphira, leh anăn ƀuôn Bêerôt mâo kjuh êtuh pă pluh tlâo čô.

³⁰ Phung êkei mơ̆ng ƀuôn Rama leh anăn ƀuôn Gêba mâo năm êtuh dua pluh sa čô.

³¹ Phung êkei mơ̆ng ƀuôn Mikmas mâo sa êtuh dua pluh dua čô.

³² Phung êkei mơ̆ng ƀuôn Bêthel leh anăn ƀuôn Ai mâo sa êtuh dua pluh tlâo čô.

³³ Phung êkei mơ̆ng ƀuôn Nêbô mkăn mâo êma pluh dua čô.

³⁴ Phung anak čô Y-Êlam mkăn mâo sa êbâo dua êtuh êma pluh pă čô.

³⁵ Phung anak čô Y-Harim mâo tlâo êtuh dua pluh čô.

³⁶ Phung anak čô ƀuôn Yêrikô mâo tlâo êtuh pă pluh êma čô.

³⁷ Phung anak čô ƀuôn Lot, ƀuôn Hadit, leh anăn ƀuôn Ônô mâo kjuh êtuh dua pluh sa čô.

³⁸ Phung anak čô Y-Sêna mâo tlâo êbâo dua păn êtuh tlâo pluh čô.

³⁹ Phung khua ngă yang: Phung anak čô Y-Jêdaya, čiăng lač sang Y-Jêsua mâo dua păn êtuh kjuh pluh tlâo čô.

⁴⁰ Phung anak čô Y-Imer mâo sa êbâo êma pluh dua čô.

⁴¹ Phung anak čô Y-Pasur mâo sa êbâo dua êtuh pă pluh kjuh čô.

⁴² Phung anak čô Y-Harim mâo sa êbâo pluh kjuh čô.

⁴³ Phung Lêwi: Phung anak čô Y-Jêsua, čiăng lač Y-Katmiêl hlăm phung anak čô Y-Hôdêwa mâo kjuh pluh pă čô.

⁴⁴ Phung mmuñ: phung anak čô Y-Asap mâo sa êtuh pă pluh sa păn čô.

⁴⁵ Phung kiă kriê ƀăng jang: phung anak čô Y-Salum, phung anak čô Y-Ater, phung anak čô Y-Talmôn, phung anak čô Y-Akup, phung anak čô Y-Hatita, phung anak čô Y-Sôbai mâo sa êtuh tlâo pluh sa păn čô.

⁴⁶ Phung dĭng buăl sang yang: phung anak čô Y-Siha, phung anak čô Y-Hasupha, phung anak čô Y-Tabaôt,

⁴⁷ phung anak čô Y-Kêrôs, phung anak čô Y-Sia, phung anak čô Y-Padôn,

⁴⁸ phung anak čô Y-Lêbana, phung anak čô Y-Hagaba, phung anak čô Y-Salmai,

⁴⁹ phung anak čô Y-Hanan, phung anak čô Y-Gidel, phung anak čô Y-Gahar,

⁵⁰ phung anak čô Y-Rêaya, phung anak čô Y-Rêsin, phung anak čô Y-Nêkôda,

⁵¹ phung anak čô Y-Gasam, phung anak čô Y-Usa, phung anak čô Y-Pasêa,

⁵² phung anak čô Y-Bêsai, phung anak čô Y-Mêunim, phung anak čô Y-Nêphusêsim,

⁵³ phung anak čô Y-Bakbuk, phung anak čô Y-Hakupha, phung anak čô Y-Harhur,

⁵⁴ phung anak čô Y-Baslit, phung anak čô Y-Mêhida, phung anak čô Y-Harsa,

⁵⁵ phung anak čô Y-Barkôs, phung anak čô Y-Sisêra, phung anak čô Y-Têma,

⁵⁶ phung anak čô Y-Nêsia, phung anak čô Y-Hatipha.

⁵⁷ Phung anak êkei phung dĭng buăl Y-Salômôn: phung anak čô Y-Sôtai, phung anak čô Y-Sôphêret, phung anak čô Y-Pêrida,

⁵⁸ phung anak čô Y-Jala, phung anak čô Y-Darkôn, phung anak čô Y-Gidel,

⁵⁹ phung anak čô Y-Sêphatia, phung anak čô Y-Hatil, phung anak čô Y-Pôkêret-Hasêbam, phung anak čô Y-Amôn.

⁶⁰ Jih jang phung dĭng buăl sang yang leh anăn phung anak čô phung dĭng buăl Y-Salômôn mâo tlâo êtuh dua păn pluh dua čô.

⁶¹ Nĕ anei phung hriê mơ̆ng ƀuôn Têlmêla, ƀuôn Telharsa, ƀuôn Kêrup, ƀuôn Adôn, leh anăn ƀuôn Imer, ƀiădah diñu amâo dưi bi sĭt ôh djuê ana diñu, kăn djuê ana diñu rei thâodah diñu jing hlăm phung Israel:

⁶² phung anak čô Y-Dêlaya, phung anak čô Y-Tôbia, phung anak čô Y-Nêkôda, mâo năm êtuh pă pluh dua čô.

⁶³ Msĕ mơh hlăm phung khua ngă yang: phung anak čô Y-Hôbaya, phung anak čô Y-Hakôs, phung anak čô Y-Barsilai (pô mă leh mô̆ sa čô hlăm phung anak mniê Y-Barsilai êkei ƀuôn Galaat, leh anăn arăng iêô tui si anăn diñu).

⁶⁴ Phung anăn duah anăn diñu hlăm hră čih găp djuê, ƀiădah arăng amâo ƀuh tinăn ôh. Kyua anăn arăng amâo jum diñu hlăm phung jing khua ngă yang kyuadah diñu jing amâo doh.

⁶⁵ Khua kiă kriê lač kơ diñu, diñu amâo dưi ƀơ̆ng ôh mnơ̆ng ƀơ̆ng huă doh jăk hĭn tơl mâo sa čô khua ngă yang mâo Urim leh anăn Thumim kgŭ dơ̆ng hưn klei Aê Diê čiăng.

⁶⁶ Jih jang phung bi kƀĭn mâo pă pluh dua êbâo tlâo êtuh năm pluh čô,

⁶⁷ êngao kơ phung dĭng buăl êkei leh anăn phung dĭng buăl mniê diñu, hlăm phung anăn mâo kjuh êbâo tlâo êtuh tlâo pluh kjuh čô; leh anăn phung anăn mâo dua êtuh pă pluh êma čô phung mmuñ, êkei leh anăn mniê.

⁶⁸ Aseh diñu mâo kjuh êtuh tlâo pluh năm drei, aseh dliê diñu mâo dua êtuh pă pluh êma drei,

⁶⁹ aseh samô diñu mâo pă êtuh tlâo pluh êma drei, leh anăn aseh dliê mdiăng mnơ̆ng diñu mâo năm êbâo kjuh êtuh dua pluh drei.

⁷⁰ Mâo đa đa hlăm phung khua djuê ana myơr kơ bruă. Khua kiă kriê brei kơ adŭ pioh ngăn sa êbâo đarik mah, êma pluh boh hmăm, êma êtuh tlâo pluh blah čhiăm ao khua ngă yang.

⁷¹ Mâo đa đa phung khua djuê ana myơr kơ adŭ pioh ngăn kơ bruă dua pluh êbâo đarik mah leh anăn dua êbâo dua êtuh min prăk.

⁷² Phung mkăn myơr dua pluh êbâo đarik mah dua êbâo min prăk, leh anăn năm pluh kjuh čhiăm ao khua ngă yang.

⁷³ Snăn phung khua ngă yang, phung Lêwi, phung kiă ƀăng jang, phung mmuñ, đa đa phung ƀuôn sang, phung dĭng buăl sang yang, leh anăn jih jang phung Israel dôk hlăm ƀuôn diñu pô. Tơdah mlan tal kjuh truh leh, phung anak Israel dôk hlăm ƀuôn diñu pô.