Klei Mmuñ Hđăp 93 - Klei Aê Diê Blŭ 2015

Yêhôwa Jing Mtao

¹ Yêhôwa kiă kriê; Ñu hơô leh klei guh kơang; Yêhôwa hơô leh klei kdrăm kơah leh anăn klei ktang. Sĭt nik Ñu bi kjăp lăn ala, gơ̆ amâo srăng mgei ôh.

² Ih bi kjăp jhưng mtao Ih mơ̆ng ênuk đưm đă; Ih dôk leh mơ̆ng ênuk hlŏng lar.

³ Êa ksĭ bi ênai, Ơ Yêhôwa; êa ksĭ bi ênai ktang leh, êa ksĭ bi ênai poh yă.

⁴ Yêhôwa Pô ti dlông jing myang, myang hĭn kơ ênai lu êa, ktang hĭn kơ êlah êa ksĭ poh yă.

⁵ Ơ Yêhôwa, nanao hlŏng lar klei Ih mtă jing kjăp sĭt; klei doh jăk jing djŏ kơ sang Ih.