Klei Mmuñ Hđăp 124 - Klei Aê Diê Blŭ 2015

Aê Diê Jing Pô Bi Mtlaih Phung Ƀuôn Sang Ñu

Klei phung hiu nao kơ ƀuôn doh jăk mmuñ. Klei mmuñ hđăp Y-Đawit.

¹ Tơdah amâo mâo Yêhôwa dôk tĭng drei, brei Israel lač snei,

² “Tơdah amâo mâo Yêhôwa dôk tĭng drei, tơdah phung mnuih kgŭ ngă kơ drei,

³ diñu lun leh drei hdĭp, kyuadah diñu čuh leh ai ngêñ kơ drei.

⁴ Hlăk anăn êa kpuh mđung drei leh, êa êtăng đoh leh ti dlông drei;

⁵ hlăk anăn êa poh yă ktang găn leh ti dlông drei.”

⁶ Mpŭ mni kơ Yêhôwa, Pô amâo jao ôh drei jing mnơ̆ng êgei diñu ƀơ̆ng!

⁷ Drei tlaih leh msĕ si čĭm mơ̆ng ñuăl phung wăk; ñuăl tĭ hĕ, leh anăn drei tlaih yơh.

⁸ Klei đru drei kbiă hriê mơ̆ng Yêhôwa, Pô Hrih adiê leh anăn lăn ala.