Klei Mmuñ Hđăp 122 - Klei Aê Diê Blŭ 2015

Klei Wah Lač Akâo Klei Êđăp Ênang kơ Ƀuôn Yêrusalem

Klei phung hiu nao kơ ƀuôn doh jăk mmuñ. Klei mmuñ hđăp Y-Đawit.

¹ Kâo hơ̆k mơak tơdah arăng lač kơ kâo, “Nao bĕ drei kơ sang Yêhôwa.”

² Jơ̆ng drei dôk hĕ hlăm ƀăng jang ih, Ơ ƀuôn Yêrusalem.

³ Ơ Yêrusalem, ƀuôn arăng mdơ̆ng msĕ si ƀuôn kjăp leh;

⁴ tinăn yơh phung găp djuê Yêhôwa đĭ nao, tui si klei bhiăn phung Israel, čiăng bi mni kơ anăn Yêhôwa.

⁵ Tinăn arăng mdơ̆ng leh jhưng mtao klei phat kđi, jing jhưng mtao sang Y-Đawit.

⁶ Wah lač bĕ kơ klei êđăp ênang ƀuôn Yêrusalem; brei phung khăp kơ ih mâo klei đĭ kyar!

⁷ Brei klei êđăp ênang dôk hlăm wăl mnư̆ ih, leh anăn klei hơĭt hlăm sang mtao ih.

⁸ Kyua phung ayŏng adei leh anăn phung mah jiăng kâo, kâo srăng lač, “Brei diih mâo klei êđăp ênang”.

⁹ Kyua sang Yêhôwa Aê Diê drei, kâo akâo klei jăk jĭn kơ ih.