Klei Mmuñ Hđăp 114 - Klei Aê Diê Blŭ 2015

Klei Mmuñ djŏ kơ Klei Găn

¹ Tơdah phung Israel kbiă mơ̆ng čar Êjip, sang Yakôp kbiă mơ̆ng sa phung găp djuê blŭ klei tue,

² phung Yuđa jing sang doh jăk Yêhôwa, phung Israel jing phung Ñu kiă kriê.

³ Êa ksĭ ƀuh leh anăn đuĕ, êa krông Yurdan kdŭn wĭt kơ tluôn;

⁴ jih jang čư̆ kdăt msĕ si biăp knô, jih jang kbuôn msĕ si êđai biăp.

⁵ Ơ êa ksĭ, ya truh kơ ih tơl ih đuĕ, Ơ êa krông Yurdan, tơl ih kdŭn wĭt kơ tluôn,

⁶ Ơ jih jang čư̆, tơl diih kdăt msĕ si biăp knô, Ơ jih jang kbuôn, tơl kdăt msĕ si êđai biăp?

⁷ Ơ boh lăn, ktư̆ yơ̆ng bĕ ti anăp Yêhôwa, ti anăp Aê Diê phung Yakôp,

⁸ Pô mbliư̆ boh tâo jing êa ênao, brei boh tâo khăng jing akŏ êa.