Klei Mmuñ Hđăp 101 - Klei Aê Diê Blŭ 2015

Klei Mtao Ƀuăn

Klei mmuñ hđăp Y-Đawit.

¹ Kâo srăng mmuñ kơ klei khăp leh anăn klei kpă; Ơ Yêhôwa, kâo srăng mmuñ bi mni kơ Ih yơh.

² Kâo srăng răng kơ klei dôk dơ̆ng ƀơ̆ng huă djŏ. Hbĭl Ih srăng hriê kơ kâo? Kâo srăng dôk hlăm sang kâo hŏng ai tiê kpă.

³ Kâo amâo srăng dlăng kơ mnơ̆ng jhat ôh; kâo bi êmut kơ bruă phung lui wir; klei anăn amâo srăng djŏ kơ kâo ôh.

⁴ Phung mâo ai tiê khăp kơ klei ƀai srăng dôk kbưi mơ̆ng kâo; kâo amâo srăng bi mguôp hŏng klei jhat ôh.

⁵ Kâo srăng brei pô mčeh kơ phung riêng gah ñu hŏng klei hgăm dôk ñăt. Kâo amâo srăng tŭ ôh hlei pô dlăng hŏng ală leh anăn ai tiê mgao.

⁶ Kâo srăng dlăng kơ phung sĭt suôr hlăm čar, čiăng kơ diñu dưi dôk mbĭt hŏng kâo; pô êbat hlăm êlan kpă srăng mă bruă kơ kâo.

⁷ Hlei pô ngă klei mplư amâo srăng dôk hlăm sang kâo ôh; hlei pô blŭ klei luar amâo srăng dôk mbĭt hŏng kâo ôh.

⁸ Grăp aguah kâo srăng brei jih jang phung ƀai hlăm čar dôk ñăt; Bi rai hĕ jih jang phung ngă klei ƀai mơ̆ng ƀuôn Yêhôwa.