Klei Mmuñ Hđăp 100 - Klei Aê Diê Blŭ 2015

Klei Mmuñ Bi Mni kơ Yêhôwa

Klei mmuñ hđăp kơ klei bi mni.

¹ Ur hơ̆k bĕ kơ Yêhôwa, Ơ jih jang phung dôk ti lăn ala.

² Mă bruă bĕ kơ Yêhôwa hŏng klei mơak; nao ti anăp Ñu hŏng klei mmuñ.

³ Brei diih thâo kơ Yêhôwa jing Aê Diê. Ñu yơh mjing drei leh, drei jing dŏ Ñu; drei jing phung ƀuôn sang Ñu, phung biăp hlăm kdrăn rơ̆k Ñu.

⁴ Mŭt bĕ ti ƀăng jang Ñu hŏng klei hdơr knga, leh anăn hlăm wăl sang Ñu hŏng klei bi mni; hdơr knga kơ Ñu bĕ, mpŭ mni kơ anăn Ñu.

⁵ Kyuadah Yêhôwa jing jăk, klei khăp Ñu dôk hlŏng lar, leh anăn klei sĭt suôr Ñu ăt dôk hlăm jih jang ênuk.