Klei Mmuñ Hđăp 1 - Klei Aê Diê Blŭ 2015

TRĂN TAL SA Hlei Hơ̆k Mơak Sĭt

¹ Jăk mơak yơh mnuih amâo êbat ôh tui si klei phung ƀai kčĕ, kăn dôk rei hlăm êlan phung soh, kăn dôk gŭ rei mbĭt hŏng phung mưč.

² Ƀiădah ñu mơak hlăm klei bhiăn Yêhôwa, leh anăn ñu dôk mĭn kơ klei bhiăn anăn hruê mlam.

³ Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

⁴ Phung ƀai amâo djŏ snăn ôh, ƀiădah diñu jing msĕ si adrăng angĭn kpuh mđung.

⁵ Kyuanăn phung ƀai amâo srăng dôk kjăp ôh ti hruê phat kđi, phung soh kăn dưi dôk rei hlăm klei bi kƀĭn phung kpă.

⁶ Kyuadah Yêhôwa răng kriê êlan phung kpă; ƀiădah êlan phung ƀai srăng rai tuč.