I Klei Yăl Dliê 7 - Klei Aê Diê Blŭ 2015

Phung Anak Čô Y-Isakar

¹ Phung anak êkei Y-Isakar: Y-Tôla, Y-Pua, Y-Jasup, leh anăn Y-Simrôn, pă čô.

² Phung anak êkei Y-Tôla: Y-Usi, Y-Rêphaya, Y-Jêriêl, Y-Jahmai, Y-Ipsam, leh anăn Y-Samuel, khua kơ sang ama diñu, si tô hmô Y-Tôla, phung jhŏng ktang hlăm ênuk diñu, ênoh yap diñu hlăm ênuk Y-Đawit mâo dua pluh dua êbâo năm êtuh čô.

³ Anak êkei Y-Usi: Y-Israhia. Phung anak êkei Y-Israhia: Y-Mikel, Y-Ôbadia, Y-Yôel, leh anăn Y-Isiya, jih jang diñu êma čô jing khua sơăi;

⁴ leh anăn mbĭt hŏng diñu tui si ênuk diñu tui si sang ama diñu, mâo êpul kahan mdê mdê pioh kơ klei bi blah, tlâo pluh năm êbâo čô, kyuadah diñu mâo lu mô̆ leh anăn anak êkei.

⁵ Phung mnuih hlăm jih jang phung găp djuê Isakar mâo sa păn pluh kjuh êbâo čô phung kahan jhŏng ktang, mâo anăn čih leh hlăm hră čih anăn.

Phung Anak Čô Y-Benjamin

⁶ Phung anak êkei Y-Benjamin: Y-Bêla, Y-Bêker, leh anăn Y-Jêdiaêl, tlâo čô.

⁷ Phung anak êkei Y-Bêla: Y-Êsbôn, Y-Usi, Y-Usiêl, Y-Jêrimôt, leh anăn Y-Iri, êma čô, khua kơ sang ama diñu, jing phung kahan jhŏng ktang; leh anăn ênoh yap tơdah čih anăn diñu mâo dua pluh dua êbâo tlâo pluh pă čô.

⁸ Phung anak êkei Y-Bêker: Y-Sêmira, Y-Jôas, Y-Êliêser, Y-Êliôênai, Y-Ômri, Y-Jêrêmôt, Y-Abija, Y-Anathôt, leh anăn Y-Alêmet.

⁹ Jih jang phung anăn jing anak êkei Y-Bêker; leh anăn tơdah čih anăn diñu tui si ênuk diñu jing khua kơ sang ama diñu jing phung kahan jhŏng ktang, mâo dua pluh êbâo dua êtuh čô.

¹⁰ Anak êkei Y-Jêdiaêl: Y-Bilhan. Phung anak êkei Y-Bilhan: Y-Jêus, Y-Benjamin, Y-Êhut, Y-Kênana, Y-Sêthan, Y-Tarsis, leh anăn Y-Ahisahar.

¹¹ Jih jang phung anăn jing phung anak êkei Y-Jêdiaêl tui si phung khua sang ama diñu, phung kahan jhŏng ktang, pluh kjuh êbâo dua êtuh čô mkra kăp bi blah.

¹² Y-Supim leh anăn Y-Hupim jing anak êkei Y-Ir, Y-Hisim jing anak êkei Y-Aher.

Phung Anak Čô Y-Naptali

¹³ Phung anak êkei Y-Naptali: Y-Jahsiêl, Y-Guni, Y-Jêser, leh anăn Y-Salum anak êkei H'Bilha.

Phung Anak Čô Y-Manasê

¹⁴ Anak êkei Y-Manasê: Y-Asriel, pô mô̆ hjŭng ñu sa čô mniê Aram kkiêng kơ gơ̆; ñu kkiêng kơ Y-Makir jing ama kơ Y-Galaat.

¹⁵ Leh anăn Y-Makir duah mô̆ kơ Y-Hupim leh anăn Y-Supim. Anăn adei mniê ñu jing H'Maka. Anăn anak êkei tal dua jing Y-Sêlôphêhat; leh anăn Y-Sêlôphêhat mâo knŏng phung anak mniê.

¹⁶ H'Maka mô̆ Y-Makir kkiêng kơ sa čô anak êkei, leh anăn ñu bi anăn gơ̆ Y-Pêres; leh anăn anăn adei ñu jing Y-Sêres; leh anăn phung anak êkei ñu jing Y-Ulam leh anăn Y-Rakem.

¹⁷ Anak êkei Y-Ulam: Y-Bêdan. Anei jing phung anak êkei Y-Galaat anak êkei Y-Makir, anak êkei Y-Manasê.

¹⁸ Adei mniê ñu H'Hamôleket kkiêng kơ Y-Isôt, Y-Abiêser, leh anăn Y-Mahla.

¹⁹ Phung anak êkei Y-Sêmida jing Y-Ahian, Y-Sičem, Y-Likhi, leh anăn Y-Aniam.

Phung Anak Čô Y-Êphraim

²⁰ Phung anak čô Y-Êphraim: Y-Suthêla, Y-Bêret, Y-Tahat, Y-Êlêada, Y-Tahat,

²¹ Y-Sabat, Y-Suthêla, Y-Êser, Y-Êlêat. Phung êkei ƀuôn Gat arăng kkiêng leh hlăm čar bi mdjiê Y-Êser leh anăn Y-Êlêat kyuadah digơ̆ trŭn čiăng plah mă hlô mnơ̆ng diñu rông.

²² Y-Êphraim ama diñu kơŭ kyăm lu hruê, leh anăn phung ayŏng adei ñu hriê bi juh ñu.

²³ Y-Êphraim mŭt dôk hŏng mô̆ ñu, leh anăn gơ̆ ba tian leh anăn kkiêng kơ sa čô anak êkei; leh anăn ñu bi anăn gơ̆ Y-Bêria, kyuadah klei jhat truh leh kơ sang ñu.

²⁴ Anak mniê ñu H'Sêra, pô mdơ̆ng leh ƀuôn Bet-Hôron ti gŭ leh anăn ti dlông, leh anăn ƀuôn Usen-Sêra.

²⁵ Leh anăn phung anak êkei ñu: Y-Rêpha, Y-Rêsep, Y-Têla, Y-Tahan,

²⁶ Y-Ladan, Y-Amihut, Y-Êlisama,

²⁷ Y-Nun, Y-Yôsuê.

²⁸ Dŏ ngăn diñu leh anăn anôk diñu jing ƀuôn Bêthel leh anăn jih jang ƀuôn điêt gơ̆, tĭng nah ngŏ mâo ƀuôn Naran, tĭng nah yŭ mâo ƀuôn Gêser leh anăn jih jang ƀuôn điêt gơ̆, ƀuôn Sičem leh anăn jih jang ƀuôn điêt gơ̆, ƀuôn Aya leh anăn jih jang ƀuôn điêt gơ̆;

²⁹ msĕ mơh hlue knông phung Manasê, ƀuôn Bet-Sêan leh anăn jih jang ƀuôn điêt gơ̆, ƀuôn Tanak leh anăn jih jang ƀuôn điêt gơ̆, ƀuôn Mêgidô leh anăn jih jang ƀuôn điêt gơ̆, ƀuôn Dor leh anăn jih jang ƀuôn điêt gơ̆. Hlăm ƀuôn anăn phung anak êkei Y-Yôsep anak êkei Y-Israel dôk.

Phung Anak Čô Y-Aser

³⁰ Phung anak êkei Y-Aser: Y-Imna, Y-Iswa, Y-Iswi, Y-Bêria, leh anăn adei mniê digơ̆ H'Sêra.

³¹ Phung anak êkei Y-Bêria: Y-Hêber leh anăn Y-Malkiêl jing ama kơ Y-Birsait.

³² Y-Hêber jing ama kơ Y-Japhlet, Y-Sêmer, Y-Hôtham, leh anăn adei mniê digơ̆ H'Sua.

³³ Phung anak êkei Y-Japhlet: Y-Pasač, Y-Bimhal, leh anăn Y-Aswat. Phung anăn jing anak êkei Y-Japhlet.

³⁴ Phung anak êkei Y-Sêmer adei ñu: Y-Ahi, Y-Rohga, Y-Jêhuba, leh anăn Y-Aram.

³⁵ Phung anak êkei Y-Hêlem adei gơ̆: Y-Sôpha, Y-Imna, Y-Sêles, leh anăn Y-Amal.

³⁶ Phung anak êkei Y-Sôpha: Y-Sua, Y-Harnêpher, Y-Sual, Y-Bêri, Y-Imra,

³⁷ Y-Bêser, Y-Hot, Y-Sama, Y-Silsa, Y-Ithran, leh anăn Y-Bêera.

³⁸ Phung anak êkei Y-Jêther: Y-Jêphunê, Y-Pispa, leh anăn Y-Ara.

³⁹ Phung anak êkei Y-Ula: Y-Ara, Y-Haniel, leh anăn Y-Risia.

⁴⁰ Jih jang phung anăn jing găp djuê Aser, khua kơ sang ama diñu, phung arăng mpŭ, phung kahan jhŏng ktang, khua prŏng kơ phung khua. Ênoh yap anăn diñu čih leh hlăm hră pioh kơ bruă bi blah mâo dua pluh năm êbâo čô.