Salmo 93 - Tayta Diospa Wilakuynin

Salmo 93 (92) Tayta Dios mandaq rey kashqan

¹ ¡Tayta Diosmi mandamaqninsi rey kaykan! ¡Tayta Diosmi chipipiykaq mödanan jatish kaykan! ¡Paymi imayyaqpis munayyuq kaykan! Paymi kay pasatapis shumaq takyasish mana kuyukunanpaq.

² Tayta Dios, unaypita pasami mandaq kaykanki. Qamqa imapis manaraq kaptinmi mayna karqayki.

³ Tayta Dios, mayu seqaypami jakaykämun. Bunyaypa bunyarraqmi aywaykan. Bötiypa bötirraqmi aywaykan.

⁴ Qammi isanqa jakash mayupitapis mas munayyuq kaykanki. Lamarcho jatunkaray öla sharkuqpitapis mas poderyuqmi kaykanki.

⁵ Nishqaykikunataqa imaypis cumplinkimi. Templuykiqa imayyaqpis sagrädumi kaykan.