Salmo 91 - Tayta Diospa Wilakuynin

Salmo 91 (90) Imayka mana alipitapis Tayta Dios sapashqan

¹ Tayta Diospa makincho kawaq runataqa munayyuq Tayta Diosmi imapitapis sapanqa.

² Tayta Diosta manakurmi nï: <>.

³ Tayta Diosmi salvashunki contraykipa makinpita. Paymi sapäshunki wanusikuq qeshyapitapis.

⁴ Paymi riprankunawan sapäshunki. Ripran rurincho karmi imatapis mansakunkinasu. Promitishqanta cumplirmi escüduno imaypis sapäshunki.

⁵ Sakaypa ima kaptinpis manami mansarinkisu. Junaqpa flëchayaptinpis manami mansarinkisu.

⁶ Sakaypa o junaqpa pesti qeshya pïmayta wanusiptinpis manami mansarinkisu.

⁷ Isuq kaqlänikipa waranqata (1,000) wanusirpis y aluq kaqlänikipa chunka waranqata (10,000) wanusirpis qamtaqa manami wanusishunkisu.

⁸ Kikikimi rikanki yaqa runakunata castigashqanta.

⁹ Tayta Diosman yärakur kawaptiki y poderyuq Diosman amparakuptikiqa

¹⁰ imapis manami päsashunkisu. Wayikicho taqkunapis manami qeshyayanqasu.

¹¹ Angilninkunatami Tayta Dios kachamunqa maypa aywaptikipis rikayäshunaykipaq.

¹² Paykunami sariyäshunki chakilaykitapis rumikunacho mana takakunaykipaq.

¹³ Leonkuna y culebrakuna kashqanchöpis jawkami purinki. Malta leontapis y culebratapis jarurinkimi.

¹⁴ Tayta Diosmi nin: <

¹⁵ Manakayämaptinqa awnishaqmi. Lakikuyaptinpis kikïmi paykunawan kaykäshaq. Yanaparmi nakaykunapita jorqushaq.

¹⁶ Aska wata kawayänanpaqmi yanapäshaq. Salvaptïmi imaypis kushikuyanqa>>.