Salmo 89 - Tayta Diospa Wilakuynin

1

Salmo 89 (88) Davidta promitishqanpita Tayta Diosta alabashqan

1 (1) Kay salmuqa Ezra ayllu Etán qelqashqan salmumi.

¹ 1 (2) Tayta Dios, kuyapäkuq kashqaykipitami imaypis alabashayki. Lapan promitishqaykita cumpliq kashqaykitapis cadalami wilakushaq.

² 2 (3) Noqaqa wilakushaq imaypis kuyakuq kashqaykitami. Promitishqaykikuna jana pasanöpis manami trukakansu.

³ 3 (4) Kaynömi nishkanki: <

⁴ 4 (5) >>. Selah

⁵ 5 (6) Tayta Dios, espantaypaq kaqkunata rurashqaykipitami jana pasacho kaykaqkunapis alabayäshunki. Cumpliq kashqaykipitami nawpaykicho juntaraykaq angilkunapis adorayäshunki.

⁶ 6 (7) Qamnöqa manami pipis jana pasacho kansu. Munayyuq karpis manami qammanqa tinkunsu.

⁷ 7 (8) Jana pasacho angilkuna shuntakäyashqanchöpis mansariypaqmi kaykanki. Nawpaykicho kaq angilkunapitapis mas munayyuqmi kaykanki.

⁸ 8 (9) Lapanta mandaq Tayta Dios, ¿piraq qammanqa tinkunman? Qamlami lapanpaq munayyuq kaykanki. Promitishqaykitaqa imaypis cumplinkimi.

⁹ 9 (10) Lamar fiyupa pulchaqyar sharkuykaqtapis qammi mandanki. Pulchaqyar altupa sharkuptinpis qammi chawäsinki.

¹⁰ 10 (11) Lamarcho mansariypaq Rahab uywatapis lapirirqaykimi. Munayyuq karmi chikishuqnikikunatapis maysaypa qarqurqayki.

¹¹ 11 (12) Jana pasapis y kay pasapis qampami kaykan. Kay pasacho kaqkunatapis qammi kamashkanki.

¹² 12 (13) Qammi kamashkanki nortilätapis surlätapis. Tabor puntapis y Hermón jankapis kushishqami alabayäshunki.

¹³ 13 (14) Lapanpaq munayyuqmi qam kaykanki. Aluq kaq makilaykiwanmi lapantapis vincirinki.

¹⁴ 14 (15) Alikunata rurar y pitapis mana jananpaypa juzgarmi ali mandaq kaykanki. Kuyakuq kashqaykita y promitir cumplishqaykitami pïmaytapis tantiyasinki.

¹⁵ 15 (16) Kushishqami kawayanqa alabashuqnikikuna. Tayta Dios, paykunaqa nawpaykichömi kawayan.

¹⁶ 16 (17) Jutikita joqarirmi waran waran kushish kawayan. Alita ruraq kashqaykipitami kushikuyan.

¹⁷ 17 (18) Kushikuyänanpaqmi shumaq yanapanki. Yanapäyämaptikimi munayyuqpis kaykäyä.

¹⁸ 18 (19) Tayta Diosmi sapämaqninsi escüdu kaykan. Israel runakunapa santu Diosninmi mandamaqninsi rey kaykan.

¹⁹ 19 (20) Unayqa sirvishuqniki profëtakunata revelarmi nirqayki: <

²⁰ 20 (21) Payqa sirvimaqnï Davidmi kaykan. Rey kananpaqmi sagrädu aceitita umanman winasishkä.

²¹ 21 (22) Mana kachaypami paytaqa imaypis yanapäshaq. Kikïmi shumaq valurasishaq.

²² 22 (23) Chikiqninkunapis manami vinciyanqasu. Yaqa runakunapis manami munayninman churayanqasu.

²³ 23 (24) Chikiqninkunataqa paypa nawpanchömi lapirishaq. Say runakunataqa chipyaqmi ushakäsishaq.

²⁴ 24 (25) <

²⁵ 25 (26) Mediterráneo Lamarpita Éufrates mayuyaq mandaq kananpaqmi yanapäshaq.

²⁶ 26 (27) Paymi nimanqa: .

²⁷ 27 (28) <

²⁸ 28 (29) Paytaqa imaypis kuyaykäshaqmi. Paywan pactu rurashqätaqa imaypis cumplishaqmi.

²⁹ 29 (30) Jana pasa imaypis kashqannömi paypita miraqkuna imaypis rey kayanqa.

³⁰ 30 (31) Yachasishqäta paykuna qonqaykuyaptinqa, nishqäta mana cäsukuyaptinqa,

³¹ 31 (32) leynïkunata mana cumpliyaptinqa y mandamientükunata mana wiyakuyaptinqa

³² 32 (33) wiruypami castigashaq. Jusalikuyashqanpitami astashaq.

³³ 33 (34) Sayno castigarpis Davidta kuyarmi promitishqäta imaypis cumplishaq.

³⁴ 34 (35) Paywan pactu rurashqäta manami imaypis qonqäshaqsu. Lapan promitishqätami cumplishaq.

³⁵ 35 (36) Kikïmi Davidta promitishkä. Promitishqätaqa lapantami cumplishaq.

³⁶ 36 (37) Paypita miraqkunami imaypis rey kayanqa. Inti imaypis kashqannömi imaypis mandaq kayanqa.

³⁷ 37 (38) Ciëlucho killa imaypis kashqannömi imayyaqpis mandaq kayanqa>>. Selah

³⁸ 38 (39) Tayta Dios, sayno promitiykarpis akrashqayki rey rabyanäsishuptiki mananami yanapaykankinasu.

³⁹ 39 (40) Sirvishuqniki Davidwan pactu rurashqaykitapis manami cumplinkinasu. Pïmaypis jarukuyänanpaq corönanta jitariq japuymi rey kaypita jitarishkanki.

⁴⁰ 40 (41) Taykashqan marka murällatapis wakläpa kayläpami juchusishkanki. Amparakuna markankunatapis raqälatanami kachaykushkanki.

⁴¹ 41 (42) Pïmaypis saypa päsaqkuna munashqantami apakuyan. Vecïnun nación runakunapis asipäyanmi.

⁴² 42 (43) Reypa chikiqninkunata yanapaptikimi vinciykur kushikuyan.

⁴³ 43 (44) Vinciyänanpaqmi reypa soldädunkunata mansarïsishkanki. Pelyachöpis mananami yanapashkankinasu.

⁴⁴ 44 (45) Munayyuq kashqantami reyta qechushkanki. Mandaq kaynintapis manakaqmanmi churashkanki.

⁴⁵ 45 (46) Maqtalaraq kaykaptinmi rey kayninpita jorqushkanki. Pasaypa penqaymanmi churashkanki. Selah

⁴⁶ 46 (47) Tayta Dios, ¡imayyaqraq noqakunapita pakaräkunki! ¿Kashlansuraq rabyash kaykanki?

⁴⁷ 47 (48) Tayta Dios, walka watala kawanäpaq kashqanta yarpaykulay. Kamashqayki runakuna juk ishkay watalami kawayan.

⁴⁸ 48 (49) ¿Piraq mana wanuypa kawanman? ¿Piraq wanuypita qeshpinman? Selah

⁴⁹ 49 (50) Tayta Dios, Davidta imaypis kuyapänaykipaq promitishqaykita ¿imanirtaq qonqakuykushkanki?

⁵⁰ 50 (51) Sirvishuqnikikuna kayaptï pïmaypis qayapäyämashqanta wiyaykulay. Maysay nacioncho runakuna ashliyämashqanta shonqücho yarparaykämi.

⁵¹ 51 (52) Tayta Dios, chikishuqnikikuna wajupaykäyämanmi. Akrashqayki runakuna kaykaptïmi waran waran qayapaykäyäman.

⁵² 52 (53) Tayta Dios imayyaqpis alabash kaykuläsun. ¡Amén! ¡Sayno kasun!