Salmo 85 - Tayta Diospa Wilakuynin

1

Salmo 85 (84) Israel runakunata yanapänanpaq manakushqan

1 (1) Cantaqkunapa mandaqninpaqmi. Corépita miraqkuna qelqayashqan salmu.

¹ 1 (2) Tayta Dios, qammi nacionnikita kuyapashkanki. Jacobpita miraq runakunata yapaymi yanapashkanki.

² 2 (3) Kuyashqayki runakuna jusalikuyashqanta lapantami perdonashkanki. Selah

³ 3 (4) Fiyupa rabyaynikipis yali päsakashnami.

⁴ 4 (5) Salvamaqnï Tayta Dios, kananpis yapay salvaykayälämay, ari. Amana saynölaqa rabyash kaykulaynasu.

⁵ 5 (6) ¿Saynölasuraq imayyaqpis noqakunawan rabyash kaykanki?

⁶ 6 (7) ¿Manasuraq ali kawayänäpaq yanapaykayämankiman? Saynöpami yapay kushikuyäshaq.

⁷ 7 (8) Tayta Dios, kuyaykäyämashqaykita tantiyaykasiyälämay. ¡Yapay salvaykayälämay!

⁸ 8 (9) Noqaqa Tayta Dios nishqantami wiyakushaq. Paymi kuyashqan kaqkunata yanapanqa mana jusalikuypa pïmaywanpis ali kawayänanpaq.

⁹ 9 (10) Payta mansapakushqami salvamänansipaq noqansiwan kaykan. Kikinmi nacionninsicho imayyaqpis tanqa.

¹⁰ 10 (11) Tayta Diospa kuyakuynin y yanapäkuynin juntumi shamunqa. Ali kawaynin y salvacionninpis makalanakushqami chäyämunqa.

¹¹ 11 (12) Yanapäkuyninqa muru jeqamuqnömi pasapita jeqamunqa. Salvacionninqa jana pasapitami rikamunqa.

¹² 12 (13) Tayta Diosmi yanapämäshun ali kawanansipaq. Chakransikunapis alimi wayunqa.

¹³ 13 (14) Salvacionninqa juk wilakuqnömi nawpanta aywanqa. Wilakuyninqa ali nänipami pushamäshun.